পাকিস্তানৰয়ংকৰ ৰে’ল দুৰ্ঘটনাত ১৯ জন নিহত আৰু ৫০ জন আহত। দক্ষিণ পাকিস্তানত এখন ৰে’ল ৰেলপথৰ পৰা ওলাই অহাৰ ফলত ১৯ জন লোক নিহত হোৱাৰ লগতে ৫০ জন আহত হৈছে বুলি বিষয়াসকলে জানিবলৈ দিছে। বৃহত্তম চহৰ কৰাচীৰ পৰা প্ৰায় ২৭৫ কিলোমিটাৰ দূৰত্বত থকা নৱাবশ্বাহৰ চাহাৰা ৰে’লৱে ষ্টেচনৰ সমীপত হাজাৰা এক্সপ্ৰেছৰ কেইবাটাও ডবা বাগৰি পৰে। আহত যাত্ৰীসকলক ওচৰৰ চিকিৎসালয়লৈ প্ৰেৰণ কৰা হৈছে।
সহায়ৰ বাবে মাতি অনা হৈছে সেনাৰ উদ্ধাৰকাৰী দল। নৱাবশ্বাহ আৰু সিন্ধৰ চুবুৰীয়া জিলাসমূহৰ মূল চিকিৎসালয়সমূহত জৰুৰীকালীন অৱস্থা ঘোষণা কৰা হৈছে। স্থানীয় সংবাদ মাধ্যমে ৰে’ল আৰু বিমান পৰিবহণৰ ফেডাৰেল মন্ত্ৰী খোৱাজা সাদ ৰফিকৰ উদ্ধৃতি দি কয় যে দুৰ্ঘটনাৰ কাৰণৰ তদন্তৰ পূৰ্বে বিষয়াসকলে প্ৰথমে উদ্ধাৰ প্ৰচেষ্টাত মনোনিৱেশ কৰিব। পাকিস্তানৰ পুৰণি ৰে’ল ব্যৱস্থাত দুৰ্ঘটনা সংঘটিত হোৱাটো অস্বাভাৱিক নহয়। ২০২১ চনত সিন্ধ প্ৰদেশত যাত্ৰা কৰা দুখন ৰে’লৰ সংঘৰ্ষত কমেও ৪০ জন লোকৰ মৃত্যু হোৱাৰ লগতে বহু লোক আহত হৈছিল। স্থানীয় সংবাদ মাধ্যমৰ বাতৰি অনুসৰি ২০১৩ চনৰ পৰা ২০১৯ চনৰ ভিতৰত এনে ঘটনাত ১৫০ জন লোকৰ মৃত্যু হৈছে।