আমি বহুতেই মানসিক স্বাস্থ্যক যিমান মূল্য দিব লাগে সিমান মূল্য নিদিওঁ। যদি আমাৰ মানসিক স্বাস্থ্য ভাল নহয়, তেন্তে আমি আমাৰ স্বাস্থ্য বজাই ৰাখিব নোৱাৰিম। যদি আপুনি সুস্থ জীৱন যাপন কৰিব বিচাৰে তেন্তে এটা সুস্থ মন থকাটো অতি প্ৰয়োজনীয়। ইয়াৰ বাবে আপুনি কিছুমান খাদ্য খাব লাগিব যিয়ে চেৰ’টনিন বৃদ্ধি কৰে। চেৰ’টনিনক হেপি হৰম’ন বুলিও কোৱা হয়, ই আপোনাৰ মেজাজ, টোপনি, ভোক, স্মৃতিশক্তিৰ লগত জড়িত কামবোৰ নিয়ন্ত্ৰণ কৰিবলৈ কাম কৰে। এয়া এক প্ৰকাৰৰ মগজুৰ ৰাসায়নিক পদাৰ্থ। যদি ইয়াৰ অভাৱ হয় তেন্তে মেজাজত প্ৰভাৱ পৰে, তেতিয়া আপুনি হতাশা বা মানসিক চাপৰ বলি হয়। জানো আহক কোনবোৰ খাদ্যই মেজাজ সতেজ কৰি তুলিব পাৰে-
কণীক ছুপাৰফুড বুলি গণ্য কৰা হয়, যিটো মানুহে সাধাৰণতে প্ৰটিনৰ প্ৰয়োজনীয়তা পূৰণৰ বাবে খায়। আপুনি জনা উচিত যে ট্ৰিপ্ট’ফেন নামৰ এমিনো এচিড পোৱা যায় যাৰ সহায়ত চেৰ’টনিনৰ উৎপাদন বৃদ্ধি কৰিব পৰা যায়। চেৰ’টনিনে আপোনাৰ মগজুত নিউৰ’ট্ৰান্সমিটাৰ হিচাপে কাম কৰে, যিয়ে আপোনাক সুখী কৰি ৰাখে। যদি আপুনি প্ৰায়ে মানসিক চাপত থাকে তেন্তে নিশ্চিতভাৱে দৈনিক ২টা কণী খাওক, ই আপোনাক চাপৰ পৰিস্থিতিৰ সৈতে মোকাবিলা কৰাত সহায় কৰিব।
আখৰোট এবিধ উৎকৃষ্ট শুকান ফল য’ত পুষ্টিকৰ উপাদানৰ অভাৱ নাই, বেছিভাগ খাদ্য বিশেষজ্ঞই সুস্বাস্থ্যৰ বাবে ইয়াক খাবলৈ পৰামৰ্শ দিয়ে। ইয়াত থকা ওমেগা ৩ ফেটি এচিড মগজুৰ বাবে অপৰিহাৰ্য চৰ্বি, ই আমাৰ শৰীৰত স্বয়ংক্ৰিয়ভাৱে উৎপন্ন নহয়, বৰঞ্চ ইয়াক খাদ্যৰ জৰিয়তে খাব লাগে। নিয়মীয়াকৈ সীমিত পৰিমাণত আখৰোট খালে হতাশাৰ পৰা হাত সাৰিব পাৰি।
আখৰোটৰ দৰেই আলমণ্ডও এটা জনপ্ৰিয় শুকান ফল যিটো শুকান আৰু তিয়াই খাব পাৰি, ইয়াক মেগনেছিয়ামৰ সমৃদ্ধ উৎস বুলি গণ্য কৰা হয় যিয়ে আপোনাক শক্তি প্ৰদান কৰাই নহয়, মেজাজও উন্নত কৰে।
ছালমন, টুনা আদি চৰ্বিযুক্ত মাছ খাব লাগে কাৰণ ইয়াত ভিটামিন ডিৰ সমৃদ্ধ উৎস, যিয়ে হতাশাৰ দৰে সমস্যাৰ পৰা মুক্তি কৰাত সহায় কৰে আৰু আপোনাৰ শৰীৰত ওমেগা ৩ ফেটি এচিডৰ কোনো অভাৱ নাথাকে।