আৰ্জেণ্টিনাত ৭৬ বছৰীয়া এগৰাকী খেলুৱৈয়ে ৫ ঘণ্টাৰো অধিক সময় মাৰাথন দৌৰ সফলতাৰে সম্পূৰ্ণ কৰে…
৭৬ বছৰীয়া এগৰাকী খেলুৱৈয়ে প্ৰত্যাহ্বানমূলক মাৰাথন দৌৰ সম্পূৰ্ণ কৰি ৰাইজৰ পৰা ষ্টেণ্ডিং অভেচন লাভ কৰিছে। আৰ্জেণ্টিনাৰ উত্তৰ-পশ্চিম অঞ্চলত অৱস্থিত ছাল্টা চহৰত অনুষ্ঠিত হয় এই মাৰাথন দৌৰ।
এনডিনা মডেষ্টা পেৰেজে, ৫ ঘণ্টাৰো অধিক সময় দৌৰাৰ পিছত মাৰাথন দৌৰ সফলতাৰে সম্পূৰ্ণ কৰে। ফিনিচিং লাইন পাৰ হৈ যোৱাৰ সময়ত দৰ্শকৰ পৰা উল্লাস আৰু হাতচাপৰি লাভ কৰে।
তেওঁৰ এই আকৰ্ষণীয় কৃতিত্বই সকলো বয়সৰ লোকৰ বাবে প্ৰেৰণা হিচাপে কাম কৰে আৰু ই প্ৰমাণ কৰে যে দৃঢ়তা আৰু কঠোৰ পৰিশ্ৰমে যিকোনো ব্যক্তিক বয়স নিৰ্বিশেষে নিজৰ লক্ষ্যত উপনীত হোৱাত সহায় কৰিব পাৰে।