ৰাজ্যত এক শক্তিশালী ঔদ্যোগিক বাতাবৰণ সৃষ্টি কৰাৰ লক্ষ্যৰে মুখ্যমন্ত্ৰী ড° হিমন্ত বিশ্ব শৰ্মাই অসমৰ কৰ্মোদ্যমি যুৱক-যুৱতীসকলক আত্মনিৰ্ভৰশীল আৰু নিয়োগ সৃষ্টিকাৰী হিচাপে গঢ় দিয়াৰ উদ্দেশ্য আৰম্ভ কৰিলে “মুখ্যমন্ত্ৰী আত্মনিৰ্ভৰ অসম অভিযান – ২০২৩”।
শনিবাৰে মুখ্যমন্ত্ৰীৰ জনতা ভৱন স্থিত সভাকক্ষত কেইবাজনো মন্ত্ৰীৰ উপস্থিতিত মুখ্যমন্ত্ৰী হিমন্ত বিশ্ব শৰ্মাই “মুখ্যমন্ত্ৰী আত্মনিৰ্ভৰ অসম অভিযান – ২০২৩”ৰ ৰেজিষ্ট্ৰেচন পৰ্টেল মুকলি কৰে। এই পৰ্টেলত নাম পঞ্জীয়নৰ যোগেদি দুই লাখ আৰু পাঁচ লাখকৈ পেকেজ লাভ কৰি যুৱক-যুৱতীসকলে নিজৰ সম্ভাৱনাসমূহ বিকাশ কৰি সফলতাৰ বাটেৰে আগুৱাই যাব পাৰিব।
এই আচঁনিৰ জৰিয়তে অসমৰ যুৱক-যুৱতীসকলে ষ্টেশ্যনেৰী, কৃষি আৰু উদ্যান শস্য, কুকুৰা পালন/দুগ্ধ পাম/ গাহৰি পালন/ছাগলী পালন/মীন পালন, পেকেজিং, ৰেদিমেদ পোছাক, ফেব্ৰিকেশ্যন/হাৰ্ডৱেৰ ব্যৱসায় ইত্যাদি ক্ষেত্ৰত স্বাৱলম্বী হোৱাৰ লগতে আনৰ বাবেও নিয়োগ সৃষ্টি কৰিব বুলি আশা প্ৰকাশ কৰিছে মুখ্যমন্ত্ৰী হিমন্ত বিশ্ব শৰ্মাই।