প্ৰটিন সমৃদ্ধ খাদ্য কথা ক’লে প্ৰথমে মনলৈ আহে মাংস, মাছ আৰু কণীৰ কথা। কিন্তু সকলো লোকে নাখাই মাছ, মাংস, কণী। মাছ, মাংস, কণী নোখোৱা সকলে প্ৰটিনৰ বাবে কি খাব জানেনে? প্ৰটিন আমাৰ বাবে অতি গুৰুত্বপূৰ্ণ পুষ্টিকৰ উপাদান যিয়ে আমাৰ পেশী শক্তিশালী কৰে। প্ৰটিনৰ বাবে বেছি মাংস খোৱাটো বিপদজনকহে হ’ব পাৰে। কাৰণ ইয়াত বহুত চৰ্বি থাকে যিয়ে পেট আৰু কঁকালত চৰ্বি জমা কৰিব পাৰে। ইয়াৰ বাবে আপুনি এনে খাদ্য বাছি ল’ব লাগিব য’ত চৰ্বি নাথাকে আৰু লগতে প্ৰচুৰ পৰিমাণে প্ৰ’টিন থাকে। আজি আমি আপোনালোকক এনে ৪ বিধ ফলৰ কথা কম য’ত প্ৰটিন থাকে…
অমিতা অতি সোৱাদযুক্ত ফল, অমিতা চালাডৰ দৰেও খাব পাৰি। ইয়াৰ সহায়ত ৰস আৰু জেলীও প্ৰস্তুত কৰা হয়। ১০০ গ্ৰাম অমিতা খালে প্ৰায় ২.৬ গ্ৰাম প্ৰটিন পোৱা যাব।
মধ্যপ্ৰাচ্যৰ দেশসমূহত যুগ যুগ ধৰি খেজুৰক প্ৰধান ফল হিচাপে সেৱন কৰা হয়। ভাৰততো ইয়াৰ খেতি কৰা হয়। ইয়াৰ সোৱাদে আমাৰ সকলোকে আকৰ্ষণ কৰে। বহু ধৰণে খাব পাৰে। আমেৰিকাৰ কৃষি বিভাগৰ তথ্য অনুসৰি ১০০ গ্ৰাম খেজুৰত ২.৪৫ গ্ৰাম প্ৰটিন আৰু ৮ গ্ৰাম আঁহ থাকে।
কিচমিচ বহু ধৰণৰ ৰেচিপি আৰু মিঠাইত ব্যৱহাৰ কৰা হয়, ইয়াক আঙুৰ শুকুৱাই প্ৰস্তুত কৰা হয়। আমেৰিকাৰ কৃষি বিভাগৰ মতে, প্ৰতি ১০০ গ্ৰাম কিচমিচত প্ৰায় ৩ গ্ৰাম প্ৰটিন থাকে।
যি সকল লোকে মাছ, মাংস, কণী খাই ভাল নাপাই, তেওঁলোকে প্ৰটিনৰ বাবে এই সমূহ ফল খাব পাৰে।