অনলাইন বাৰ্তা : কৰোণা মহামাৰীৰ ফলত মাহৰ পিছত মাহ ধৰি হোৱা লকডাউনৰ ফলত বাৰুকৈয়ে দুৰ্ভোগ ভুগিছে ব্যবসায়ীসকল। মহানগৰীয়ে নহয় সমগ্ৰ অসমত ব্যবসায়ী সকলৰ অবস্থা পানীত হাহ নচৰাৰ দৰে হৈছে। মহানগৰীৰ অনুৰাধাৰ আশীৰ্বাদ মাৰ্কেটৰ একাংশ ব্যবসায়ীয়ে সংবাদ মাধ্যমক সদৰী কৰা মতে লকডাউনৰ এই সময়ছোৱাৰ লোকচানৰ পৰা ঠন ধৰি উঠিবলৈ আৰু ১০ বছৰ সময় লাগিব। অনুৰাধা বাছ ষ্টপেজৰ সম্মুখত থকা মিঠাইৰ দোকানৰ মালিকসন্থাই লগতে কয় যে জীৱনত প্ৰথমবাৰ এনে ভয়ংকৰ দুৰ্যোগৰ সম্মুখীন হলো। “ধ্বংস হৈ গলো আমি। আমাৰ দুখ কাক কম । কোনে পটিয়াব। মুৰে কপালে হাত দিয়াৰ বাহিৰে আমাৰ উপায় নাই।” উল্লেখ্যযোগ্য় যে,ব্যবসায়ী সকলৰ এনেই দুৰ্যোগৰ সীমা নাই, তাতেই ভুতৰ ওপৰত দানহ পৰা একাংশ মালিকে দুৰ্যোগৰ এই সুৰ্যোগ লৈ জাপি দিছে ব্যবসায়ীসকলক আন এটি সমস্যা । বহু মালিকে ব্যবসায়ী বিল্ডিং বনাম বুলি কৈ ব্যবসায়ী সকলক উচ্ছেদ কৰাৰ এক চক্ৰান্ত ৰচিছে। যাৰ ফলত বহু ব্যবসায়ী ক্ষুব্ধ হৈ পৰিছে।ব্যবসায়ী সকলে সদৰী মতে এনেকৈ আমাৰ অবস্থা পানীত হাহ নচৰাৰ দৰে তাতে আকৌ আমাক একেবাৰে মাৰিবলৈ ওলাইছে একাংশ মালিকে। এটা বিল্ডিং তেওঁলোকে সম্পূৰ্ণ কৰিবলৈ হলে লাগিব প্ৰায় দুইবছৰ । এই দুই বছৰ আমি কি খাও। কি কৰি চলো। বিল্ডিং সম্পূৰ্ণও যদি হয় তাতে আমি আগধন দিব লাগিব ৪লাখ কৈ টকা। এতিয়া আমাৰ পকেটত ৪ টকাই নাই । আমি কেনেকৈ ভাত মুঠি খাই আছো সেই কথা মালিকসকলে অনুভৱ কৰাছেনে? এজন মালিকৰ অধীনত প্ৰায় ৫০ গৰাকী ব্যবসায়ী থাকে। সেই ৫০গৰাকী ব্যবসায়ীৰ ৫০ টা পৰিয়ালক ধ্বংস মুখলৈ ঠেলি নিজৰ কেবল লাভালাভৰ কথা চিন্তা কৰিছে একাংশ মালিকে। যাৰ আমি তীব্ৰ বিৰোধিতা কৰিছো। এতিয়াও কৰোণাৰ সংহাৰ কমা নাই। আকৌ হয়তো লকডাউন হব পাৰে । গতিকে অন্ততঃ ডেৰ টা বছৰ মালিকসকলে আমাক ৰেহাই দিয়ক। চৰকাৰলৈও আমাৰ অনুৰোধ যে আমাৰ ভৱিষ্যতৰ নিৰাপত্তা সুনিশ্চিত কৰক।”
