ইজৰাইল হামাছ যুদ্ধৰ শেহতীয়া আপডেট: গাজা ষ্ট্ৰিপত শাসন কৰা হামাছৰ সন্ত্ৰাসবাদীসকলে নিজৰ জীৱন ৰক্ষা কৰিবলৈ হতাশ হৈ পৰিছে। কোনোবাই সাধাৰণ মানুহক ৰক্ষা কৰিছে আৰু কোনোবাই সুৰংগত লুকাই আছে। গাজা ষ্ট্ৰিপৰ সকলো ঠাইতে ধ্বংসাৱশেষ দেখা যায়। প্ৰতিশোধৰ জুইত জ্বলি থকা ইজৰাইলে হামাছক নিৰ্মূল কৰিবলৈ অহৰহ আক্ৰমণ চলাইছে। ইজৰাইল বাহিনীৰ আক্ৰমণৰ পিছত এতিয়া বিচলিত হৈ পৰিছে হামাছ। হামাছৰ মুৰব্বী ইছমাইল হানিয়াই কেৱল ইজৰাইলকে নহয়, আমেৰিকাকো লক্ষ্য কৰি লৈছে।
গাজা ষ্ট্ৰিপত নিৰ্মাণ কৰা ৫০০ কিলোমিটাৰতকৈও অধিক দীঘল সুৰংগত আত্মগোপন কৰি আছে নিজৰ জনসাধাৰণৰ বাবে মহামাৰী হৈ পৰা হামাছৰ সন্ত্ৰাসবাদী। এই সুৰংগবোৰৰ পৰাই ইজৰাইলৰ ওপৰত আক্ৰমণৰ পৰিকল্পনা কৰিছিল আৰু ৭ অক্টোবৰত আক্ৰমণ চলাইছিল। কিন্তু যেতিয়া ইজৰাইলে প্রত্যাক্রমণ চলালে তেতিয়া সন্ত্রাসবাদীয়ে নিগনিৰ দৰে গাঁতত লুকাই থাকিল৷
হামাছৰ কাৰ্যকলাপৰ বাবেই আজি গাজা ষ্ট্ৰিপত বোমা বৰষুণ হৈছে। সন্ত্ৰাসবাদীক শিক্ষা দিয়াৰ লগতে ইজৰাইলে ৭ অক্টোবৰৰ পৰা হামাছৰ নিয়ন্ত্ৰণত থকা সেই লোকসকলকো বিচাৰিছে। বৰ্তমান ২৪২ জন পণবন্দী নিশ্চিত হোৱাৰ লগতে তেওঁলোকৰ পৰিয়ালকো অৱগত কৰা হৈছে।