চন্দ্ৰযান ৩ উৎক্ষেপণ বাহনঃ চলিত বৰ্ষৰ ১৪ জুলাইত চন্দ্ৰযান-৩ মহাকাশযানখনক নিৰ্দিষ্ট কক্ষপথত সফলতাৰে উৎক্ষেপণ কৰা এলভিএম-৩ এম৪ উৎক্ষেপণ বাহনৰ ‘ক্ৰাইজেনিক’ ওপৰৰ অংশই বুধবাৰে পুনৰ অনিয়ন্ত্ৰিতভাৱে পৃথিৱীৰ বায়ুমণ্ডলত প্ৰৱেশ কৰে। ইছৰ’ই কয়, ‘এই ৰকেটৰ দেহটো এলভিএম-৩ এম৪ উৎক্ষেপণ বাহনৰ অংশ আছিল।’ ১৪:৪২ ISTৰ ওচৰত ই পুনৰ পৃথিৱীৰ বায়ুমণ্ডলত প্ৰৱেশ কৰে।’ ৰকেটৰ দেহটোৰ পুনৰ প্ৰৱেশ সংঘটিত হয় ইয়াৰ উৎক্ষেপণৰ ১২৪ দিনৰ ভিতৰত।
২০২৩ চনৰ ১৪ জুলাই শুকুৰবাৰে ভাৰতীয় সময় অনুসৰি দুপৰীয়া ২:৩৫ বজাত শ্ৰীহৰিকোটাৰ সতীশ ধৱন মহাকাশ কেন্দ্ৰ (SHAAR)ৰ পৰা চন্দ্ৰযান-৩ উৎক্ষেপণ কৰা হৈছিল। এই বাহনখনে যোৱা ২৩ আগষ্ট, ২০২৩ তাৰিখে ভাৰতীয় সময় অনুসৰি নিশা প্ৰায় ০৬:০৪ বজাত চন্দ্ৰৰ দক্ষিণ মেৰুৰ সমীপত পৃষ্ঠত সফলতাৰে অৱতৰণ কৰে। ইয়াৰ লগে লগে ভাৰত চন্দ্ৰৰ দক্ষিণ মেৰুত মহাকাশযান সফলতাৰে অৱতৰণ কৰা প্ৰথমখন দেশ আৰু চন্দ্ৰত অৱতৰণ কৰা চতুৰ্থখন দেশ হিচাপে পৰিগণিত হয়।