মদাৰখাত, ২৫ নৱেম্বৰ : সদ্য প্ৰয়াত অসমৰ মুখ্যমন্ত্ৰী তৰুণ গগৈৰ মৃত্যুত সমগ্ৰ অসম জুৰি শোক সভা আৰু শ্ৰদ্ধাঞ্জলি অনুষ্ঠান অনুষ্ঠিত হৈ আছে। লাহোৱালতো বিভিন্ন দল-সংগঠনৰ লগতে প্ৰধান বিৰোধী দল কংগ্ৰেছৰ লাহোৱাল ব্লক সমিতি আৰু লাহোৱাল ব্লক যুৱ কংগ্ৰেছৰ উদ্যোগত কালিৰে পৰা তিনিদিনীয়াকৈ শ্ৰদ্ধাঞ্জলিৰ ব্যৱস্থা কৰা হৈছে। লাহোৱাল ব্লক কংগ্ৰেছৰ সভাপতি দ্বিজেন গগৈ আৰু লাহোৱাল ব্লক যুৱ কংগ্ৰেছৰ সভাপতি ৰিতু গোঁহাইৰ উদ্যোগত লাহোৱালস্থিত ৰাজীৱ ভৱনত দলীয় পতাকা অৰ্ধনমিত কৰি তৰুণ গগৈলৈ শ্ৰদ্ধা নিবেদন কৰিছে। কালি তেখেতৰ প্ৰতিমূৰ্তিত পুস্পাঞ্জলি আৰু বন্তি প্ৰজ্বলন কৰা হয়। দলীয় কৰ্মকৰ্তাসকলৰ লগতে অসম প্ৰদেশ মজদুৰ কংগ্ৰেছৰ সভাপতি মনোজ ধানোৱাৰৰ লগতে লাহোৱাল যুৱ কংগ্ৰেছৰ সাধাৰণ সম্পাদক বিনোদ কোঁৱৰ উপস্থিত থাকি শ্ৰদ্ধাঞ্জলি জনায়। উল্লেখ্য যে প্ৰাক্তন মুখ্যমন্ত্ৰীগৰাকীৰ প্ৰতি শ্ৰদ্ধা জনাই তিনিদিনীয়াকৈ এই অনুষ্ঠান আয়োজন কৰিছে। দলীয় বিভিন্ন বিষয়ববীয়াৰ লগতে কৰ্মকৰ্তাইও শ্ৰদ্ধা নিবেদন কৰিছে। কংগ্ৰেছৰ লগতে বিভিন্ন ব্যক্তি আৰু দলসমূহেও নিজাববীয়াকৈ শ্ৰদ্ধাঞ্জলি অনুষ্ঠান আয়োজন কৰাৰ খবৰ ইতিমধ্যে আমাৰ হাতত আহি পৰিছে।
