বৃহস্পতিবাৰে দিছপুৰৰ জনতা ভৱনত সম্পন্ন হয় ৰাজ্য চৰকাৰৰ কেবিনেট বৈঠক৷ দুই কেবিনেট মন্ত্ৰী কেশৱ মহন্ত আৰু অশোক সিংহলে কেবিনেটৰ অন্ততসংবাদ মাধ্যমৰ আগত বৈঠকৰ সিদ্ধান্তৰ বিষয়ে অৱগত কৰে৷ ৰাজ্যিক কেবিনেটত কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয়৷ ‘আছাম ষ্টেট টাউনশ্বিপ পলিচী’ত অনুমোদন জনাইছে আজিৰ কেবিনেটে৷ ৰাণীত ৩০০ একৰ ভূমিত হ’ব টাউনশ্বিপ৷ আনহাতে, ৰাজ্য চৰকাৰে গৃহহীন লোকৰ বাবে আৰম্ভ কৰিছে মুখ্যমন্ত্ৰী আৱাস যোজনা আঁচনি৷ এই আঁচনিৰ অধীনত চৰকাৰে ১৩ লাখ লোকক দিব ঘৰ৷
চাহ জনগোষ্ঠীৰ লোকক দিব ১০ শতাংশ ঘৰ৷ হাজোত মাঘ বিহুত বুলবুলি যুঁজতো অনুমোদন জনাইছে কেবিনেটে৷ জানুৱাৰীত ৰাইজৰ মাজত বিতৰণ হ’ব নতুন ৰেচন কাৰ্ড৷ ১৬ জানুৱাৰীৰ পৰা ২২ জানুৱাৰীলৈ বিলাব কাৰ্ড৷ প্ৰদান কৰা হ’ব ৫ লাখ টকাৰ হেল্থকাৰ্ডো৷ আজিৰ কেবিনেটত অসম লোকসেৱা আয়োগৰ পৰীক্ষাতো সাল–সলনি ঘটোৱা হৈছে৷ সেই অনুসৰি হ্ৰাস কৰা হৈছে মৌখিক পৰীক্ষাৰ নম্বৰ৷