দেশৰ লগতে ৰাজ্যত দূৰ্গা পূজাৰ ব্যাপক উৎসাহ।ষষ্ঠীৰ দিনা দেৱীক স্থাপন কৰাকলৈ আজি অষ্টমীৰ বৰ বলিৰ দিনা দেৱী ভক্ত সকলৰ ভক্তি তুংগত উঠিছে।সকলোৱে শাক্ত নিয়ম অনুসৰি দেৱীৰ চৰণত সেৱা লৈছে।যনত বাঞ্চা ৰখা সকলে আগবঢ়াইছে বলিৰ নৈবেদ্য।শিৱসাগৰ নগৰৰ আহোম দিনৰ প্ৰায় তিনিশ বছৰ পুৰণি দেৱী দলত আজি সম্পন্ন হৈছে বলি বিধান।কিন্তু ধৰ্মীয় বিশ্বাস ভক্তিৰ মাজত দেখা গৈছে এক বিৰল পৰম্পৰা।সম্প্ৰিতীৰ নিদৰ্শন।আজিৰ দিনটোত দেৱী দ’লৰ পূজাৰ এক ভাগ প্ৰদান কৰা হয় শিৱসাগৰ নগৰৰ মুছলিম দৌল্লা পৰিয়ালক।আহোম ৰাজত্ব কালত দ’ল স্থাপন কৰাৰ সময়ত দেৱী দ’লত পূজা অৰ্চনাৰ সময়ত ঢাক বজাবলৈ নিয়োগ কৰা হৈছিল দৌল্লা পৰিয়ালক।
তেতিয়াৰ দিনত তেওঁলোকে দেৱী পূজাৰ অষ্টমীৰ দিনা বলিৰ এক ভাগ লাভ কৰিছিল।সময়ত দ’লত ঢাক বজোৱাৰ নিয়ম নোহোৱা হ’ল যদিও দেৱী পূজাৰ ভাগ দৌল্লা পৰিয়াললৈ প্ৰদান কৰাৰ পৰম্পৰা চলি থাকিল।এই পৰম্পৰা সমগ্ৰ ভাৰততে বিৰল।ধৰ্মীয় ভিন্নতাৰ মাজত মৰমৰ এনাজৰী।দৌল্লা পৰিয়ালৰ লগতে পুৰণি নিয়ম অনুসৰি বৰপাত্ৰ গোঁহাই পৰিয়ালকো পূজাৰ ভাগ প্ৰদান কৰা হয়।আজি মহা অষ্টমীৰ দিনা দেৱী দ’লত এক আনুষ্ঠানিক কাৰ্যসূচী ৰূপায়ণ কৰি দুয়োটা পৰিয়াললৈ দেৱী পূজাৰ শৰাই প্ৰদান কৰা হয়।