ধুবুৰীত ৰেড ক্ৰছ ছ’চাইটিৰ এক উল্লেখনীয় পদক্ষেপ ।মানৱতাৰ পৰিচয় দি আকৌ থিয় হল নিৰীহ জনৰ কাষত, ধুবুৰী চহৰৰ ৩ নং ওৱাৰ্ডৰ বাসিন্দা লক্ষী ৰায় নামৰ ৭২ বছৰীয়া এগৰাকী অসহায় বৃদ্ধা কেন্সাৰৰ লগতে ভৰি এখন ভঙাৰ ফলত ঘৰতে যোৱা ৫ দিনৰ পৰা আবদ্ধ হৈ পৰি আছিলে । বৃদ্ধা গৰাকীৰ আপোন বুলিবলে কোনো নাই । অকল শৰেই তেওঁ জীৱন নিৰ্বাহ কৰিছিল । ধুবুৰী ৰেড ক্ৰছ চোছাইটিয়ে খবৰটো পোৱাৰ পিছত আজি ধুবুৰীৰ চিলাৰায় হস্পিতালত বৃদ্ধা গৰাকীক লৈ গৈ চিকিৎসা কৰায় ।ধুবুৰীৰ ৰেড ক্ৰছ চোছাইটিৰ সম্পাদক ৰাজীৱ শৰ্মাই জনায় যে তেওঁলোকৰ ওচৰত বৃদ্ধা গৰাকীৰ খবৰটো পোৱাৰ পিছত জিলা উপায়ুক্তক অৱগত কৰায় । পিছত জিলা উপায়ুক্তৰ নিৰ্দেশ মৰ্মে বৃদ্ধা গৰাকীক চিকিৎসাধীন কৰোৱা হয়।
লগতে ৰেড ক্ৰছৰ সম্পাদক ৰাজীৱ শৰ্মাই জনায় যে সামাজিক মাধ্যমত বৃদ্ধা গৰাকীৰ চিকিৎসা কৰাবলৈ ৰাইজৰ পৰা সহায় বিচৰাৰ পিছত বিভিন্ন জনে যথাসধ্য মতে সহায় আগবঢ়ায় । ১০০ টকাৰ পৰা ৫০০০ টকালৈ বিভিন্ন জনে বৃদ্ধা গৰাকীৰ চিকিৎসাৰ বাবে সহায় কৰিছে বুলি জানিবলৈ দিয়ে ।উল্লেখ্য যে বৃদ্ধা গিৰাকীৰ অস্ত্ৰ প্ৰচাৰৰ পাছতেই সুস্থ হৈ উঠাৰ সম্ভাৱনা আছে।