ওদালগুৰিত ক’ৰণাত আক্ৰান্ত ৪৫ গৰাকীসহ মুঠ ১০৬৭ গৰাকী :মৃত্যুৰ সংখ্যা ১৯ জনলৈ বৃদ্ধি

ৰাজ্যখনত ভয়াবহ ভাৱে বাঢ়ি অহা দ্বিতীয় পৰ্যায়ৰ কৰোনা মহামাৰী ওদালগুৰি জিলাতো দিনক দিনে  দ্ৰুতগতিত বৃদ্ধি পোৱাত জিলাখনত এক আতংকময় পৰিবেশৰ সৃষ্টি হৈছে। স্বাস্হ্য বিভাগৰ পৰা পোৱা  তথ্য অনুসৰি ১৩মেলৈ  ওদালগুৰিত ৪৫ গৰাকী  কৰোনাত আক্ৰান্ত হৈছে।এইলৈ ওদালগুৰিত দ্বিতীয় পৰ্যায়ত এক এপ্ৰিলৰ পৰা ১৩মেলৈ  আক্ৰান্তৰ সংখ্যা ১০৬৭গৰাকীলৈ বৃদ্ধি পালে। স্বাস্হ্য বিভাগৰ জনোৱা মতে  বৰ্তমানলৈ  ১৩মেলৈ   ৫৪২ গৰাকীক পৰীক্ষা কৰাৰ পিছত ৪৫ গৰাকী দেহত  কৰোনা ধৰা পৰে।ইয়াৰ ভিতৰৰ ৮৭ গৰাকী ওদালগুৰি অসামৰিক চিকিৎসালয়ত চিকিৎসাধীন  হৈ থকাৰ বিপৰীতে ৩০২ গৰাকী হোম আইচিলেচনত চিকিৎসাধীন আছে।সুস্হ হৈ উঠা ৪৯ গৰাকীক ঘৰলৈ যাবলৈ দিয়া হয়।ইপিনে শেহতীয়া তথ্য অনুসৰি ওদালগুৰিত দুজন লোক ক’ভিড আক্ৰান্ত হৈ মৃত্যু হোৱাত মাৰ্চ’২১ৰ পৰা এতিয়ালৈকে মৃত্যু হোৱা লোকৰ সংখ্যা১৯ জনলৈ বৃদ্ধি পালে।সেয়ে এনে ভয়াবহতাৰ প্ৰতি লক্ষ্য ৰাখি সকলো ৰাইজকে  সজাগ আৰু সচেতন  হৈ মাস্ক ব্যৱহাৰ কৰাৰ লগতে সামাজিক দূৰত্ব বজাই ৰাখি কভিডৰ নীতি নিৰ্দেশনা মানি  চলিবলৈ স্বাস্হ্য বিভাগে আহ্বান জনায়।আনপিনে সমগ্ৰ জিলাখনত কভিড ভেকচিন দি থকা হৈছে ৷যদিও আবশ্যক অনুসৰি ভেকচিন নথকাৰ বাবে ভেকচিন লবলৈ আগ্ৰহী সকলৰ মাজত হাহাকাৰৰ সৃষ্টি হৈ আহিছে ৷তাৰ বাবে ১৩মে ওদালগুৰি জিলাৰ জিলা নিৰ্বাচনী বিষয়া দেৱাশীষ বৰঠাকুৰে ওৰাং খণ্ড প্ৰাথমিক স্বাস্থ্য কেন্দ্ৰৰ অধীনস্থ  ওৰাং প্ৰাথমিক বিদ্যালয়ৰ ভেকচিন কেন্দ্ৰত ক’ভেস্কিন লৈছে ৷ইতিমধ্যে  ওৰাং আৰু ধনশ্ৰীঘাটৰ ভেকচিন কেন্দ্ৰত যোৱা ৭,৮ আৰু ১৩মেলৈ ১৮বছৰৰ পৰা ৪৪বছৰলৈ মুঠ ৬৭০গৰাকীক ক’ভেস্কিন প্ৰদান কৰা হৈছে বুলি স্বাস্থ্য বিভাগৰ পৰা জানিব পৰা গৈছে ৷