নগাঁও : নগাঁও চহৰৰ সমীপৰ ইছলামপট্টীত আজি ৰখাই থোৱা এখন ট্ৰাকত অগ্নিসংযোগ হোৱাৰ ঘটনা সংঘটিত হয়। জানিব পৰা মতে, ইছলামপট্টীৰ জ্যোতি ফ্ল’ৰ মিলৰ সন্মুখত মেৰামতিৰ বাবে পথৰ দাঁতিত ৰখাই থোৱা এ এছ ০৯ চি ৭৩৮৮ নম্বৰৰ ট্ৰাকখন আজি দুপৰীয়া হঠাৎ দপ দপকৈ জ্বলি উঠে। পাছত তাত উপস্থিত থকা একাংশ লোকে অগ্নিনিৰ্বাপক বাহিনীক খবৰ দিয়ে। ঘটনাৰ খবৰ পোৱাৰ লগে লগে স্থানীয় হয়বৰগাঁও আৰক্ষী আৰু আগ্নিনিৰ্বাপক নিৰ্বাপক বাহিনীৰ দুখনকৈ গাড়ী ঘটনাস্থলীত উপস্থিত হৈ জুই নুমুৱাবলৈ সক্ষম হয় যদিওঁ ট্ৰাক খনৰ অধিকাংশ জুইত ভস্মীভূত হয়। ট্ৰাকখনত জুই লগাৰ কাৰণ স্পষ্ট হোৱা নাই যদিওঁ কোনো দুৰ্বৃত্তই অগ্নি সংযোগ কৰাৰ সন্দেহ স্থানীয় ৰাইজৰ।
