কামৰূপ জিলাৰ হাজো ৰাজহ চক্ৰৰ অন্তৰ্গত পূৱ -চেছাঁমূখ মোল্লাচুপা জলচাহ মৈদানত পূৱ -চেঁছামূখ দ্বীনি জলছাহ সমিতিৰ সৌজন্যত এখনি চতুৰ্দশ বাৰ্ষিক বৰ্নাধ্য কাৰ্যসূচীৰে বিৰাট দ্বিনী জলছাহ অনুষ্ঠান সম্পণ্ণ কৰা হ’য়।সেই অনুসৰি পুৱাৰ ভাগত বৃক্ষৰোপন,কণ কণ শিশুসকলৰ মাজত খেল ধেমালী প্ৰতিযোগিতা,সম্বৰ্ধনা পৰ্ব আদি বিভিণ্ণ কাৰ্যসূচী অনুষ্ঠিত হ’য়।অৱশ্যে বৃক্ষৰোপন কাৰ্যসূচীত অংশ লয় ধাৰাপুৰস্থিত পশ্চিম গুৱাহাটী মহাবিদ্যালয়ৰ সহকাৰী অধ্যাপক ড° মইনুল হ’ক চৌধুৰী,প্ৰাগজ্যোতিষ মহাবিদ্যালয়ৰ সহকাৰী অধ্যাপক ড° মকিবুৰ ৰহমান,প্ৰাক্তন প্ৰধান শিক্ষক হৰিনচন্দ্ৰ দাস,কল্পুৰাম কলিতাকে প্ৰমূখ্য কৰি অঞ্চলটোৰ প্ৰায়সংখ্যক লোকে।
ইয়াৰ পিছতেই আবেলিৰ ভাগত জলছাহৰ মুকলি সভা অনুষ্ঠিত হ’য়।সভাত ইছলাম ধৰ্মালম্বী লোকসকলৰ ধৰ্মপুথি পবিত্ৰ কোৰন শ্বৰীফৰ দফাসমূহ সাৱলীল ভাৱে আলোচনা কৰা হ’য় ।উল্লেখ্য যে বিশ্ব শান্তিৰে ভাতৃত্ববোধ ঐক্য পৰম্পৰাৰে সমন্বয়ৰ বাৰ্তা প্ৰেৰণ কৰাৰ লক্ষ্যৰে চতুৰ্দশ বাৰ্ষিক বিৰাট দ্বীনি জলছাহ কাৰ্যসূচী সম্পণ্ণ কৰা হ’য় বুলি উল্লেখ কৰে উদ্যোক্তা কমিটিয়ে।
তদুপৰি আজিৰ কাৰ্যসূচীত সক্ৰিয়ভাৱে উপস্থিত থাকে জলচাহ পৰিচালনা সমিটিৰ সভাপতি তবিবৰ ৰহমান,উপসভাপতি আয়েজ আলী,সম্পাদক কামাল হুছেইন,সহঃ সম্পাদক খচনুৰ আলী,সদস্যবৃন্দ ক্ৰমে আশ্ৰফ আলী শইকীয়া,ৰেকিবুল হুছেইনকে প্ৰমূখ্য কৰি প্ৰায়সংখ্যক বিশিষ্ট গণ্যমান্য ব্যক্তি।