বিশাল সমদলেৰে সাংসদ গৰাকীক নিজৰ গৃহলৈ আদৰি আনিলে দলীয় কৰ্মী তথা শুভাকাংক্ষীয়ে । মাৰ্ঘেৰিটাৰ সুন্তান সাংস্কৃতিক কৰ্মী তথা ৰাজ্যসভাৰ নৱ নিৰ্ৱাচিত সাংসদ পবিত্ৰ মাৰ্ঘেৰিটাক আজি মাৰ্ঘেৰিটাত উষ্ম আদৰণি জনোৱা হয়।ৰাজ্যসভা সাংসদ ৰূপে নিৰ্বাচিত হোৱা পাছত প্ৰথমবাৰৰ বাবে নিজা ঠাই মাৰ্ঘেৰিটাত আহি উপস্থিত হয় সাংসদ পবিত্ৰ মাৰ্ঘেৰিটা।এক বিশাল সমদলেৰে সাংসদ গৰাকীক নিজৰ বাসগৃহলৈ আদৰি আনে দলীয় কৰ্মী তথা শুভাকাংক্ষীয়ে।
ইয়াৰ পিছতে উত্তৰ মাৰ্ঘেৰিটাৰ ৰঙ্গমঞ্চৰ পে্ক্ষাগৃহত নৱ নিৰ্বাচিত ৰাজ্যসভাৰ সাংসদ পবিত্ৰ মাৰ্ঘেৰিটাক স্থানীয় বিভিন্ন দল সংগঠন তথা শুভাকাংক্ষীয়ে ৰাজহুৱাকৈ সম্বৰ্ধনা জ্ঞাপন কৰে।সম্বৰ্ধনা গ্ৰহণ কৰি ৰাজ্যসভাৰ নৱ নিৰ্বাচিত সাংসদ পবিত্ৰ মাৰ্ঘেৰিটাই অসম আৰু অসমীয়া তথা দেশৰ স্বাৰ্থত সদায় নিষ্ঠাৰে কাম কৰি যাব বুলি পুনৰ দোহাৰে।
সাংসদগৰাকীক স্থানীয় বহু- দল সংগঠনৰ লগতে মাৰ্ঘেৰিটা সাংবাদিক সন্থাইয়ো এখনি ফুলাম গামোচা আৰু এটি ফুলাম জাপিয়ে সম্বৰ্ধনা জ্ঞাপন কৰে।ৰাইজৰ আশা মাৰ্ঘেৰিটা সু-সন্তান তথা সাংস্কৃতিক কৰ্মী পবিত্ৰ মাৰ্ঘেৰিটাই মাৰ্ঘেৰিটা লগতে অসমবাসীৰ ৰাইজৰ স্বাৰ্থত কাম কৰি যাওঁক।