চ’ছিয়েল মিডিয়াত ছিপাঝাৰৰ বিধায়কৰ বিৰুদ্ধে অশ্লীল মন্তৱ্য কৰি ৰঙাঘৰৰ আলহী যুৱক ৷

দৰং: চ’ছিয়েল মিডিয়াত ছিপাঝাৰ সমষ্টিৰ বিধায়ক বিনন্দ কুমাৰ শইকীয়াৰ  বিৰুদ্ধে অশ্লীল মন্তব্য কৰি ৰঙাঘৰৰ আলহী  দৰঙৰ এজন যুৱক ৷ বিজেপি যুৱ মৰ্চাৰ সদস্যৰ এজাহাৰৰ ভিত্তিত যুৱকজনক আটক কৰে ছিপাঝাৰ আৰক্ষীয়ে ৷ ফেইচবুকত  ছিপাঝাৰৰ সমষ্টিৰ বিধায়ক বিনন্দ কুমাৰ শইকীয়াৰ বিৰুদ্ধে অশ্লীল  মন্তব্যৰে আক্ৰমণ কৰিছিল যুৱকজনে ৷ আনহাতে বিধায়ক বিনন্দ কুমাৰ শইকীয়াৰ লগতে বিজেপি ৰ কৰ্মকর্তাক উদ্দেশ্যি ফেইচবুকত অশ্লীল  মন্তব্য কৰিছিল যুৱক জনে ৷আটক কৰা যুৱক জন ছিপাঝাৰ সমষ্টিৰ বটাবাৰীৰ    প্ৰাণজিৎ ডেকা ওৰফে প্ৰাণজিৎ পৰান ৷ নিজ গৃহ বটাবাৰীৰ পৰা  ছিপাঝাৰ আৰক্ষীয়ে আটক কৰে যুৱক জনক ৷ সম্প্ৰতি যুৱ মৰ্চাৰ এজাহাৰৰ ভিত্তিত যুৱকজনৰ  ওপৰত এটা গোছৰ ৰুজু কৰি জেল হাজোতলৈ প্ৰেৰণ কৰিছে ছিপাঝাৰ আৰক্ষীয়ে ৷