আশা দেখা গৈছে। প্ৰাক্তন প্ৰধানমন্ত্ৰী এইচ ডি দেৱগৌড়াৰ নাতি প্ৰজ্জ্বল ৰেভান্নাই হয়তো দেশলৈ উভতি আহিব পাৰে। তেওঁৰ বিৰুদ্ধে ভাৰতত মহিলাক যৌন নিৰ্যাতনৰ গোচৰ ৰুজু কৰা হৈছে। চিবিআইয়ে ইতিমধ্যে তেওঁৰ বিৰুদ্ধে ব্লু কৰ্ণাৰ জাননী জাৰি কৰিছে। কৰ্ণাটকৰ সিদ্ধাৰামাইয়া চৰকাৰে প্ৰজ্জ্বলক দেশলৈ ঘূৰাই অনাৰ বাবে পদক্ষেপ গ্ৰহণ কৰিছে। এতিয়া এক তীব্ৰ গুঞ্জন উঠিছে যে অভিযুক্ত ৰেভান্না দেশলৈ উভতি আহিব পাৰে।
এক সংবাদ মাধ্যমৰ প্ৰতিবেদন অনুসৰি প্ৰজ্জ্বলে মিউনিখৰ পৰা বাংগালুৰুলৈ অহা বিমানত ব্যৱসায়িক শ্ৰেণীৰ টিকট বুক কৰিছে।৩৩ বছৰীয়া সাংসদজনে জাৰ্মানীলৈ পলাই গৈছিল। প্ৰজ্জ্বলৰ পিতৃ এইচ ডি ৰেভান্নাক ২৯ এপ্ৰিলত গ্ৰেপ্তাৰ কৰা হৈছিল। এগৰাকী মহিলাক অপহৰণ কৰাৰ অভিযোগত ৰুজু কৰা এটা গোচৰত ৰেভান্নাক ১৪ মে’লৈকে ন্যায়িক জিম্মালৈ প্ৰেৰণ কৰা হৈছিল। সোমবাৰে তেওঁক ৫ লাখ টকাৰ ব্যক্তিগত বণ্ডত জামিন দিয়া হৈছিল। জেডি(এছ) নেতা তথা সাংসদ প্ৰজ্জ্বল ৰেভান্নাৰ যৌন কেলেংকাৰীৰ অভিযোগে এতিয়া গৰম কৰি ৰাখিছে কৰ্ণাটকৰ ৰাজনীতি। দেৱগৌড়াৰ নাতিয়েক আৰু কৰ্ণাটকৰ হাছানৰ বিদায়ী সাংসদ প্ৰজ্জ্বল ৰেভান্নাৰ বিৰুদ্ধে যৌন কেলেংকাৰীৰ অভিযোগ উঠাৰ পিছতে দলে তেওঁক নিলম্বন কৰাৰ সিদ্ধান্ত গ্ৰহণ কৰিছিল। উল্লেখ্য প্ৰজ্জ্বল ৰেভান্না এইবাৰো লোকসভা নিৰ্বাচনৰ প্ৰাৰ্থী। যৌন কেলেংকাৰী সন্দৰ্ভত উত্তৰ বিচাৰি যুৱ সাংসদগৰাকীলৈ কাৰণ দৰ্শোৱাৰ জাননীও প্ৰেৰণ কৰা হৈছে। দুদিন পূৰ্বে জেডি(এছ) নেতা প্ৰজ্জ্বল ৰেভান্নাৰযৌন কেলেংকাৰীৰ এটা ভিডিঅ’ লিক হৈছিল। প্ৰজ্জ্বল ৰেভান্নাৰ বিৰুদ্ধে কেইবাগৰাকীও মহিলাক যৌন নিৰ্যাতন চলোৱাৰ অভিযোগ উত্থাপিত হৈছিল। কৰ্ণাটকৰ শাসকীয় দলটো হৈছে কংগ্ৰেছ। আনহাতে, দেৱগৌড়াৰ জেডি(এছ) অন্য তম বিৰোধী দল।
জেডি(এছ) কেন্দ্ৰৰ শাসকীয় বিজেপিৰ অন্যতম সহযোগী দল। কেইদিনমান আগতে প্ৰধানমন্ত্ৰী নৰেন্দ্ৰ মোদীয়ে নিজেই দক্ষিণৰ ৰাজ্যখনলৈ আহি প্ৰজ্জ্বল ৰেভান্নাৰ হৈ প্ৰচাৰ চলাইছিল। তাৰ পিছতে যৌন কেলেংকাৰীৰ ভিডিঅ’ পোহৰলৈ আহিছে। প্ৰজ্জ্বল ৰেভান্না আৰু তেওঁৰ পিতৃ তথ দেৱগৌড়াৰ ডাঙৰ পুত্ৰ জেডি(এছ)ৰ বিধায়ক এইচ ডি ৰেভান্নাৰ নামো গোচৰটোত সাঙোৰ খাইছে। ভুক্তভোগী মহিলাগৰাকীয়ে দাবী কৰিছে যে ২০১৯ ৰ পৰা ২০২২ চনৰ ভিতৰত তেওঁক কেইবাবাৰো যৌন নিৰ্যাতন চলোৱা হৈছিল। তেওঁ অভিযোগ কৰিছে যে যেতিয়াই প্ৰজ্জ্বল ৰেভান্নাৰ দেউতাক এইচ ডি ৰেভান্নাৰ পত্নী ঘৰত নাছিল, জেডি(এছ)ৰ সাংসদজনে ঘৰত কাম কৰা মহিলাসকলক যৌন নিৰ্যাতন কৰিছিল। ৩৩ বছৰীয়া প্ৰজ্জ্বল এই নিৰ্বাচনত দ্বিতীয়বাৰৰ বাবে হাছান আসনৰ পৰা জেডি(এছ)ৰ প্ৰাৰ্থী হিচাবে থিয় দিছে। কৰ্ণাটকত জেডিএছ আৰু বিজেপিৰ মিত্ৰতা আছে। জেডি(এছ)য়ে ২০২৩ চনৰ ছেপ্টেম্বৰত এন ডি এত যোগদান কৰিছিল।
বিজেপি নেতাজনে দলৰ সভাপতিলৈ লিখা পত্ৰ লিখিছিল “প্ৰজ্জ্বল ৰেভান্নাকে ধৰি এইচডি দেৱগৌড়া পৰিয়ালৰ কেইবাজনো নেতাৰ বিৰুদ্ধে গুৰুতৰ অভিযোগ আছে, আৰু আমি জেডি(এছ)ৰ সৈতে মিত্ৰতাত আছো। পেন ড্ৰাইভটোত মুঠ ২,৯৭৬ টা ভিডিঅ’ আছিল আৰু ফুটেজত কিছুমান মহিলা চৰকাৰী বিষয়া আৰু মহিলাক যৌন শোষণ চলোৱা হৈছে।