কলিয়াবৰ
লকডাঊনৰ জটিল সময়ছোৱাত ৰাজ্যত অবৈধ বন সম্পদ ধ্বংস যজ্ঞ অব্যাহত। তাৰ মাজতে কলিয়াবৰত চোৰাং কাঠসহ বাহন জব্দ কৰিছে বন বিভাগে। জখলাবন্ধা বন বিভাগে বুধবাৰে নিশা গোপন সূত্ৰৰ পম খেদি বামুণী ওপৰ গাঁৱত ধৰিলে এ. এছ. ০৩ এ. চি. ১০২৬ নম্বৰৰ টাটা ডি আই বাহনখন। বাহনখনে কাৰ্বি আংলংৰ পৰা মূল্যবান কাঠ কঢ়িয়াই আনিছিল।উল্লেখযোগ্য যে, যোৱা ফেব্ৰুৱাৰী মাহৰ পৰা নগাঁও জিলাৰ শালনা স্থিত বন বিভাগৰ উত্তৰাঞ্চল বন বিষয়াৰ নেতৃত্বত জব্দ হৈছে কেইবালাখ টকাৰ অবৈধ কাঠ ভৰ্তি সাতখনকৈ বাহন।
