নগাঁও জিলা পৰিষদৰ মুখ্য কাৰ্যবাহী বিষয়া দেৱাশীষ বৈশ্যৰ তৎপৰতা : আৰ টি আইৰ তথ্য দিবলৈ কাৰা নিৰ্দেশ ।
নগাঁও :
নগাঁও জিলাৰ বিভিন্ন উন্নয়ন খণ্ডত সৌৰচাকি স্থাপনৰ নামত ব্যাপক দুৰ্নীতি- অনিয়ম সংঘটিত হোৱাৰ অভিযোগ সংবাদ মাধ্যমৰ শিৰোনামা দখল কৰি আহিছিল। এই আচনি ৰূপায়ণৰ ক্ষেত্ৰত সংঘটিত হোৱা দুৰ্নীতি সন্দৰ্ভত সংবাদ মেলযোগে নগাঁও জিলাৰ কেবাটাও উন্নয়ন খণ্ডৰ কেলেংকাৰী উদঙাই দিছিল আৰ টি আই কৰ্মী এ জে আকন্দই। ইতিমধ্যে আকন্দই জিলাখনৰ চাৰিটা উন্নয়ন খণ্ড ক্ৰমে কলিয়াবৰ, বাজিয়াগাঁও, বঢ়মপুৰ আৰু কঠিয়াতলী এলেকাত স্থাপন কৰা সৌৰচাকি সন্দৰ্ভত কিছু তথ্য বিচাৰি আবেদন কৰিছিল যদিও উন্নয়ন খণ্ড বিষয়া অথবা পঞ্চায়ত সচিব সকলে বিগত চাৰিমাহে তথ্য দিয়াৰ পৰা বিৰত আছিল। অৱশেষত নিৰ্দিষ্ট সময় উকলি যোৱাৰ পিছত নগাঁও জিলা পৰিষদৰ মুখ্য কাৰ্যবাহী বিষয়াৰ ওচৰত প্ৰথম আপীল দাখিল কৰাৰ পিছত অতি তৎপৰতা গ্ৰহণ কৰে জিলা পৰিষদৰ মুখ্য কাৰ্যবাহী বিষয়া দেৱাশীষ বৈশ্যই। সেই অনুসৰি আজি এক শুনানী গ্ৰহণ কৰি খণ্ড উন্নয়ন বিষয়া আৰু পঞ্চায়ত সচিব সকলক মাতি আনি কিয় ইমান দিনে তথ্য দিয়া নাই তাৰ বাবে ককৰ্থনা কৰে। আনকি, অতি শীঘ্ৰে বিচৰা তথ্য প্ৰদান কৰিবলৈ সংশ্লিষ্ট বিষয়া-কৰ্মচাৰী সকলক নিৰ্দেশ দিয়ে।