নিউজ ডেস্ক: ADANI । ভাৰতীয় টাইকুন গৌতম আদানীৰ (gautam adani) বিৰুদ্ধে আমেৰিকাত উৎকোচ আৰু প্ৰৱঞ্চনাৰ অভিযোগ উত্থাপন হৈছে। বুধবাৰে নিউয়ৰ্কৰ আদালতত দাখিল কৰা এজাহাৰত আদানীয়ে ২৫ কোটি টকা উৎকোচ দি আমেৰিকাৰ পৰা ধন সংগ্ৰহ কৰাৰ লগতে সেই তথ্য লুকুৱাই ৰখাৰ অভিযোগ উত্থাপন কৰিছে।
অভিযোগনামাত কোৱা হৈছে যে আদানী(adani) আৰু ইয়াৰ শীৰ্ষ কাৰ্যবাহীসকলে ভাৰত চৰকাৰৰ বিষয়াসকলক উৎকোচ দিছিল যাতে নবীকৰণযোগ্য শক্তি খণ্ডত লাভজনক চুক্তি লাভ কৰিব পাৰে। এই চুক্তিসমূহে ২০ বছৰত ২০০ বিলিয়ন ডলাৰতকৈ অধিক লাভৰ সৃষ্টি কৰিব বুলি আশা কৰা হৈছে।
Gautam adani....গৌতম আদানী(CEO,adani group)অৱশ্যে এই অভিযোগ সন্দৰ্ভত আদানী গ্ৰুপে ততাতৈয়াকৈ কোনো মন্তব্য কৰা নাই। ইয়াৰ উপৰিও আদানী গ্ৰুপে ৩ বিলিয়ন ডলাৰৰ ঋণ আৰু বণ্ডো সংগ্ৰহ কৰিছে, য’ত কিছুমান আমেৰিকাৰ প্ৰতিষ্ঠানৰ পৰাও সংগ্ৰহ কৰা হৈছে। কিন্তু এই প্ৰক্ৰিয়াত ভুৱা তথ্য প্ৰদান কৰাৰ লগতে উৎকোচ গোচৰৰ তদন্তত বাধাৰ সৃষ্টি কৰাৰ অভিযোগ উত্থাপন হৈছে।
আমেৰিকাৰ এটৰ্নী ব্রায়ান পিছে কয় যে প্ৰতিবাদকাৰীসকলে ভাৰত চৰকাৰৰ বিষয়াসকলক উৎকোচ দি চুক্তি জয় কৰিবলৈ আৰু আমেৰিকা আৰু আন্তঃৰাষ্ট্ৰীয় বিনিয়োগকাৰীক বিপথে পৰিচালিত কৰাৰ এক জটিল ষড়যন্ত্ৰৰ পৰিকল্পনা কৰিছিল।লগতে তেওঁ কয় যে আমাৰ বিত্তীয় বজাৰৰ অখণ্ডতা ৰক্ষাৰ বাবে আন্তঃৰাষ্ট্ৰীয় দুৰ্নীতিৰ বিৰুদ্ধে আমি কঠোৰ স্থিতি গ্ৰহণ কৰিছো।