গুৱাহাটী,১২ডিচেম্বৰ:’Advantage Assam2.0’। অসমত উদ্যোগ স্হাপনৰ বাবে বিনিয়োগকাৰী সকলক আকৰ্ষিত কৰাৰ বাবে অহা বছৰৰ ২৪ আৰু ২৫ফেব্ৰুৱাৰীত গুৱাহাটীত অনুষ্ঠিতব্য ‘এডভেন্টেজ অসম ২.০’ৰ প্ৰস্তুতি সন্দৰ্ভত ৰাজ্যৰ উদ্যোগ, বাণিজ্য আৰু ৰাজহুৱা প্ৰতিষ্ঠান বিভাগৰ মন্ত্রী বিমল বড়াৰ অধ্যক্ষতাত দিছপুৰৰ লোক সেৱা ভৱনত অনুষ্ঠিত হয়।দেশৰ প্ৰধানমন্ত্ৰী নৰেন্দ্ৰ মোদী উপস্থিত থাকিব লগা এই সন্মিলনৰ যাৱতীয় প্ৰস্তুতিৰ অগ্ৰগতি সন্দৰ্ভত উদ্যোগ ,বাণিজ্য আৰু ৰাজহুৱা প্ৰতিষ্ঠান বিভাগৰ পৰা উদ্যোগ মন্ত্ৰী বড়াই বুজ লয়।
সভাত ‘এডভেন্টেজ অসম ২.০’ৰ অতিথি সুশ্ৰুষা,সহযোগী সংস্হা,সমগ্ৰ সন্মিলনখনৰ প্ৰচাৰৰ কৌশল, নিৰাপত্তা ব্যৱস্হা, বিনিয়োগকাৰীক আকৰ্ষণৰ বাবে ,দেশ-বিদেশৰ বিভিন্ন স্থানত অনুষ্ঠিত কৰিব লগা ৰোড শ্ব’ আদিৰ সন্দৰ্ভত বিতং আলোচনা কৰা হয়।সভাত অসম চৰকাৰৰ মুখ্য সচিব ড০ৰবি কোটা, অসম আৰক্ষীৰ বিশেষ সঞ্চালক প্ৰধান হৰমিট সিং,ৰাজ্য চৰকাৰৰ বিভিন্ন বিভাগৰ উচ্চ পদস্থ বিষয়া সকলৰ লগতে জিলা প্ৰসাশন তথা উদ্যোগ, বাণিজ্য আৰু ৰাজহুৱা প্ৰতিষ্ঠান বিভাগৰ বিষয়া সকল উপস্হিত থাকে।