যোৱা কেইদিনমানৰ পৰা ঐশ্বৰ্য আৰু অভিষেকৰ অনুৰাগীসকলে তেওঁলোকক এটা ফ্ৰেমত চাবলৈ আগ্ৰহেৰে বাট চাই আছিল। সেই ইচ্ছা যেন পূৰণ হ’ল অনুৰাগীৰ।(Aishwarya Rai Bachchan)
বৃহস্পতিবাৰে সকলো জল্পনা-কল্পনাৰ অন্ত পৰিল। বৃহস্পতিবাৰে ধীৰুভাই আম্বানী আন্তঃৰাষ্ট্ৰীয় বিদ্যালয়ৰ বাৰ্ষিক অনুষ্ঠান আচিল। তাৰকাৰে ভৰা এইখন বিদ্যালয়ৰ বাৰ্ষিক অনুষ্ঠান প্ৰতি বছৰে অতি উলহ-মালহেৰে পালন কৰে আৰু উক্ত অনুষ্ঠানটোত উপস্থিত থাকে চেলিব্ৰিটিসকল। এইবাৰো অনুষ্ঠানটোত তাৰকাৰ ভিৰ আছিল। উক্ত অনুষ্ঠানত আৰাধ্যা বচ্চনেও মঞ্চত শোভা বঢ়ায়। কন্যাৰ অনুষ্ঠান পৰিৱেশন চাবলৈ প্ৰেক্ষাগৃহত উপস্থিত হয় ঐশ্বৰ্য আৰু অভিষেক।
এই অনুষ্ঠানৰ বিভিন্ন মুহূৰ্তৰ ছবি সামাজিক মাধ্যমত বিয়পি পৰিছে। যোৱা কেইদিনমানৰ পৰা ঐশ্বৰ্য আৰু অভিষেকৰ অনুৰাগীসকলে তেওঁলোকক এটা ফ্ৰেমত চাবলৈ আগ্ৰহেৰে বাট চাই আছিল। সেই ইচ্ছা যেন পূৰণ হ’ল বৃহস্পতিবাৰে। আৰাধ্যাৰ মাক-দেউতাকে একেলগে বহি অনুষ্ঠানটো উপভোগ কৰিলে। বচ্চন দম্পতীয়ে কন্যাৰ অনুষ্ঠানৰ সেই মুহূৰ্তটোও বন্দী কৰি থকা দেখা গৈছিল। অনুষ্ঠানৰ অন্তত ঐশ্বৰ্য আৰু অভিষেক আৰাধ্যাৰ সৈতে একেখন গাড়ীৰে ঘৰলৈ ৰাওনা হয়।
আনকি ‘ওম শান্তি ওম’ ছবিৰ ‘দিৱাংগী দিৱাংগী’ গীতৰ সুৰত ঐশ্বৰ্য আৰু অভিষেক একেলগে নৃত্যও কৰে। এই মুহূৰ্তটোও বন্দী কৰে কোনো কেমেৰামেনে।
অভিষেক আৰু ঐশ্বৰ্য বিচ্ছেদৰ পথত আগবাঢ়িছে বুলি প্ৰায় এবছৰ ধৰি জল্পনা-কল্পনা চলি আছিল। বিশেষকৈ অনন্ত আম্বানী আৰু ৰাধিকা মাৰ্চেণ্টে একেলগে বিবাহ অনুষ্ঠানত প্ৰৱেশ নকৰাত চৰ্চালৈ আহিছিল। তেতিয়াৰ পৰা বচ্চন দম্পতীক একেলগে দেখা পোৱা নগৈছিল। যদিও দুয়ো একেলগে আৰাধ্যাৰ জন্মদিন উদযাপন কৰিছিল। অৱশ্যে তেওঁলোকে একেলগে কোনো ছবি প্ৰকাশ কৰা নাছিল। শেহতীয়াকৈ দুয়ো একেলগে একন বিয়াৰ অনুষ্ঠানলৈও গৈছিল। কিন্তু এইবাৰ প্ৰথমবাৰৰ বাবে ঐশ্বৰ্য-অভিষেক আৰু আৰাধ্যাক এটা ফ্ৰেমত দেখা গ’ল। গতিকে অনুৰাগীৰ প্ৰশ্ন, তেওঁলোকৰ সম্পৰ্কৰ বিচ্ছেদ হ’ব জানো? অভিষেকৰ ছবিৰ প্ৰচাৰ আছিল নেকি বুলি অনুৰাগীৰ প্ৰশ্ন?