দাম্পত্য জীৱনৰ বিভিন্ন ঘটনা চৰ্চালৈ আহিছে ঐশ্বৰ্য-অভিষেকৰ। বহুদিন ধৰি চৰ্চাত আছে ঐশ্বৰ্য-অভিষেকৰ বিচ্ছেদৰ কথা। এতিয়া পুনৰ চৰ্চালৈ আহিছে সেই খবৰ। কিয়নো ঐশ্বৰ্য নামৰ পিছত ‘বচ্চন’ উপাধিটো দেখা নগ’ল। গতিকে ঐশ্বৰ্য আৰু অভিষেক বচ্চনৰ বিচ্ছেদ হৈছে নেকি সেই সন্দৰ্ভত অনুৰাগী মনত কৌতুহলী প্ৰশ্ন।(Aishwarya Rai)
শেহতীয়াকৈ ডুবাইত আয়োজন কৰা গ্ল’বেল উইমেনছ ফ’ৰামৰ এক অনুষ্ঠানত অংশ লৈছিল ঐশ্বৰ্যই। তাত তেওঁৰ নাম পৰ্দাত ‘আন্তঃৰাষ্ট্ৰীয় তাৰকা ঐশ্বৰ্য ৰায়’ হিচাপে দেখা যায়। কিন্তু নামটোৰ শেষত ‘বচ্চন’ উপাধিটো দেখা নগ’ল। গতিকে ঐশ্বৰ্যৰ নামৰ পৰা ‘বচ্চন’ উপাধিটো আঁতৰোৱা সন্দৰ্ভত মানুহৰ মনত ৰহস্যৰ প্ৰশ্ন উত্থাপন হয়। ছ’চিয়েল মিডিয়াত এই বিষয়টোৰ ওপৰত তীব্ৰ চৰ্চা আৰম্ভ হৈছে। (Global Women’s Forum)
কেৱল সেয়াই নহয়, ঐশ্বৰ্যৰ মন্তব্যও ভাইৰেল হৈ পৰিছে। তাত ঐশ্বৰ্যই কয়, যদি বিভিন্ন ক্ষেত্ৰৰ মানুহ একত্ৰিত হয়, সকলোৰে মাত শুনা যায়, তেন্তে বহুখিনি সাধন হ’ব পাৰে। সমাজৰ পৰিৱৰ্তন সম্ভৱ, সমতা সম্ভৱ আৰু পৃথিৱীৰ সকলো ঠাইতে নাৰীৰ বাবে সুযোগৰ সৃষ্টি হয়। ঐশ্বৰ্যৰ এনে মন্তব্যক সকলোৰে প্ৰশংসা কৰিছে, তেনেকৈয়ে বহু লোকেও মন্তব্য কৰিছে যে তেওঁক বহুদিনৰ মূৰত সুখী যেন লাগিছে।
কিন্তু ডুবাইৰ অনুষ্ঠানত ঐশ্বৰ্যৰ নামৰ কাষত ‘বচ্চন’ শিৰোনামটো পৰ্দাত দেখা নগ’লেও অভিনেত্ৰীগৰাকীৰ ইনষ্টাগ্ৰাম প্ৰফাইলত এই বচ্চন উপাধি আছে। কিন্তু ছ’চিয়েল মিডিয়াত ঐশ্বৰ্য ইমান সক্ৰিয় নহয়। গতিকে জল্পনা-কল্পনা অব্যাহত।