সাংসদ বদৰুদ্দিন আজমল আঠুৱাৰ তলৰ মহ। তেওঁৰ মন্তব্যক লৈ আলোচনাৰ প্ৰয়োজন নাই। আইনে নিজৰ গতিৰে ব্যৱস্হা গ্ৰহন কৰিব। এই ভাষ্য মুখ্যমন্ত্ৰী ডঃ হিমন্ত বিশ্ব শৰ্মাৰ। আইনক আঠুৱাৰ লগত তুলনা কৰি বদৰুদ্দিন আজমলক মহৰ লগত তুলনা কৰি আইনে নিজৰ কাম কৰি যাব বুলি উল্লেখ কৰে।ডঃ শৰ্মাই সন্তানৰ খৰছ আজমলে দিলে ১০-১২ টা সন্তান জন্ম দিয়াত আপত্তি নাই বুলি নিজৰ ভাষনত উল্লেখ কৰি মুছলমান মহিলাক ডাক্তৰ ইঞ্জিনিয়াৰ কৰিবলৈ সন্তান জন্ম দিবলৈ আহ্বান জনায়।
প্ৰয়োজন তেওঁলোকৰ ভোট নিদিলেও কথা নাই বুলি বঙাইগাঁৱত নিজৰ ভাষনত উল্লেখ কৰি অধিক সন্তান জন্ম দিয়া চৰৰ মাতৃসকলৰ অবস্হা শোচনীয় হৈ পৰে বুলি মন্তব্য কৰে। আজমলক কটাক্ষ কৰি ডঃ শৰ্মাই হিন্দুৰ ঘৰত ডাক্তৰ ইঞ্জিনিয়াৰ আছে বুলিও নিজৰ ভাষন প্ৰসংগত উল্লেখ কৰে। উল্লেখযোগ্য যে নাৰী সমাজক অশালীন আৰু অপমানসূচক মন্তব্য কৰি ৰঙাঘৰৰ আলহী হোৱাৰ ভয়ত ক্ষমা বিচাৰি তত্ হেৰাইছে সাংসদ গৰাকীৰ। সকলোৱে একমুখে ধিক্কাৰ দিয়াৰ লগতে বিভিন্ন প্ৰান্তৰ থানাত গোচৰ ৰুজু হৈছে আজমলৰ বিৰুদ্ধে। এই পৰ্যন্ত আৰক্ষীয়ে সাংসদ গৰাকীৰ বিৰুদ্ধে ব্যৱস্হা গ্ৰহন নকৰাত ৰহস্যৰ গোন্ধ থকাৰ অভিযোগ উঠিছে সচেতন মহলৰ মাজত।