✍ ভিকি শৰ্মা
বলিউড ছৱি জগতৰ সদা ব্যস্ত অভিনেতা খিলাড়ী অক্ষয় কুমাৰৰ প্ৰতিখন ছবিয়ে চিত্ৰগৃহত এক আলোড়ন সৃষ্টি কৰি অহা দেখা গৈছে। কিন্তু এইবাৰ তাৰ ব্যতিক্ৰম দেখা পোৱা যাব কিয়নো পোন প্ৰথমবাৰৰ বাবে অক্ষয় কুমাৰৰ আহিবলগীয়া বহু প্ৰত্যাশিত ছবি ভৌতিক তথা কৌতুকধৰ্মী ছবি লকস্মী বোম্ব মুক্তি প্ৰদান কৰা হ’ব ডিজনী প্লাছ হটষ্টাৰত। ইতিমধ্যে বলিউডত পৰিচালক ৰূপে প্ৰথম খোজ পেলোৱা অভিনেতা ৰাঘৱ লৰেন্সৰ লকস্মী বোম্বৰ অগতানুগতিক পোষ্টাৰ আৰু অভিনেতা অক্ষয় কুমাৰৰ ব্যতিক্ৰমী বেশভূষাই দৃষ্টি আকৰ্ষণ কৰিছে চলচ্চিত্ৰ প্ৰেমীৰ। তামিল ছবি মুনী-২: কাঞ্চানাৰ কাহিনীৰ আধাৰত নিৰ্মিত হৈছে ৭০ কোটি টকা বাজেটৰ লকস্মী বোম্ব। য’ত অভিনয় কৰিছে অক্ষয় কুমাৰ, কিয়াৰা আদৱানী, চাৰাড কেলকাৰ, তৰুণ আৰোৰা আদিয়ে। ছবিখনত এগৰাকী অৰ্ধনাৰী ৰূপত দেখিবলৈ পোৱা যাব অক্ষয়ক লগতে অক্ষয় কুমাৰৰ ভাতৃৰ চৰিত্ৰত দেখিবলৈ পোৱা যাব ছবিখনৰ পৰিচালক তথা অভিনেতা তুষাৰ কাপুৰক। ফক্স ষ্টাৰ ষ্টুডিঅ’ আৰু কেপ অফ গুড ফিল্মচৰ বেনাৰত নিৰ্মিত ছবিখনৰ চিত্ৰনাট্য ৰাঘৱ লৰেন্স আৰু ফাৰহাড চামজীৰ। ক’ৰোনা ভয়াৱহ পৰিস্থিতিৰ মাজতো দৰ্শকক মনোৰঞ্জন প্ৰদানৰ হেতু ছবিখনে ১৫ আগষ্টত মুক্তি লাভ কৰিব ডিজিটেল প্লেটফৰ্মত।
