অভিনেতা আল্লু অৰ্জুনৰ বিপদৰ অন্ত পৰা নাই। মঙলবাৰেও হায়দৰাবাদ আৰক্ষীৰ সন্মুখত হাজিৰ হয় অভিনেতাগৰাকী। পুনৰ এজন কংগ্ৰেছ নেতাইও পুষ্প ২ৰ দৃশ্য সন্দৰ্ভত তেওঁৰ বিৰুদ্ধে এজাহাৰ দাখিল কৰিছে। ইফালে অভিনেতাগৰাকীৰ বাসগৃহৰ বাহিৰৰ দৃশ্য পোহৰলৈ আহিছে য’ত সম্পূৰ্ণ নিস্তব্ধতা আৰু নিৰাপত্তাৰক্ষীক দেখা গৈছে।(Allu Arjun)
আল্লু অৰ্জুনে মঙলবাৰে হায়দৰাবাদৰ চিক্কাদপল্লী আৰক্ষীৰ কাষ চাপিছিল। ১১ বজাত তেওঁ থানাত হাজিৰ হৈছিল। এদিন আগতে আৰক্ষীয়ে তেওঁক জাননী প্ৰেৰণ কৰি সোধা-পোছাৰ বাবে ফোন কৰিছিল। অভিনেতাগৰাকীৰ এই ভিডিঅ’ ছচিয়েল মিডিয়াতো পোহৰলৈ আহিছে।(stampede case)
#WATCH | Telangana: Actor Allu Arjun reaches Chikkadpally police station in Hyderabad to appear before the police in connection with the Sandhya theatre incident. pic.twitter.com/EjTvyN9eTi
— ANI (@ANI) December 24, 2024
আল্লু অৰ্জুনৰ ঘৰ হায়দৰাবাদৰ জুবলী হিলছত। তেওঁৰ বিলাসী বাংলোত এদিন পূৰ্বে আক্ৰমণ কৰিছিল। এই ঘটনাৰ সৈতে জড়িত আৰক্ষীয়ে ৬ জন লোকক আটক কৰিখিছিল। এতিয়া ৬ জন অভিযুক্তই জামিন লাভ কৰিছে।
বৰ্তমান সময়ত ছচিয়েল মিডিয়াত আল্লু অৰ্জুনৰ সমৰ্থনত ওলাই আহিছে বহু অনুৰাগী। য’ত একাংশ লোকে ৬ অভিযুক্তৰ ফটোও শ্বেয়াৰ কৰিছিল। ইয়াৰে এজন অভিযুক্তৰ ফটোও ভাইৰেল হৈছে মুখ্যমন্ত্ৰী ৰেভান্ত ৰেড্ডীৰ সৈতে। বৰ্তমান সময়ত এই বিষয়ত ৰাজনীতিও তীব্ৰতৰ হৈ পৰিছে।
যোৱা ৪ ডিচেম্বৰত সন্ধ্যা থিয়েটাৰত পুষ্প ২ৰ প্ৰদৰ্শনীত সংঘটিত হুলস্থুলীয়া পৰিৱেশত এগৰাকী মহিলাৰ মৃত্যু হোৱাৰ লগতে এটা শিশু গুৰুতৰভাৱে আহত হয়। এই গোচৰত আল্লু অৰ্জুনকো গ্ৰেপ্তাৰ কৰা হৈছিল যদিও উচ্চ ন্যায়ালয়ৰ পৰা ৪ সপ্তাহৰ জামিন লাভ কৰিছিল। হায়দৰাবাদ আৰক্ষীয়ে এই গোচৰৰ সোধা-পোছৰ বাবে চমন জাৰি কৰে আল্লু অৰ্জুনক।