উজনি- মাজুলী
২০২০ বৰ্ষৰ হাইস্কুল শিক্ষান্ত পৰীক্ষাত ডিষ্টিংচনসহ ৮৯ শতাংশ নম্বৰ অৰ্জনেৰে উত্তীৰ্ণ হৈ অঞ্চলৰ লগতে মাজুলীলৈ গৌৰৱ কঢ়িয়াই আনিছে দক্ষিণপাটৰ দৰিদ্ৰ মেধাৱী ছাত্ৰ মানস জ্যোতি দত্তই | সুদূৰ ভৱিষ্যতে এজন সুযোগ্য চিকিৎসক হোৱাৰ এটি সপোন বুকুত পুহি ৰখা মানসৰ কথা সংবাদ মাধ্যমত সম্প্ৰচাৰিত হোৱাৰ পিছতে তেওঁক সহায়ৰ বাবে আগবাঢ়ি আহিছে অমৰ শিশুপ্ৰাণ অমৰেন্দ্ৰ বৰুৱা মেমৰিয়েল ট্ৰাষ্ট | আজি পুৱা মাজুলী জিলা সাহিত্য সভাৰ নৱনিৰ্বাচিত সম্পাদক মনোজ্যোতি ৰেগনৰ নেতৃত্বত উক্ত ট্ৰাষ্টৰ কেইবাজনো বিষয়ববীয়া দৰিদ্ৰ মেধাৱী ছাত্ৰগৰাকীৰ ঘৰত উপস্থিত হৈ ছাত্র গৰাকীক অৰ্থসাহাৰ্য্য প্ৰদান কৰাৰ লগতে ভৱিষ্যত দিনতো সহযোগিতাৰ আশ্বাস আগবঢ়ায় | কাৰ্যসূচীত ট্ৰাষ্টৰ অন্যতম সদস্যা অনুপ্ৰভা দেৱী, বিষয়ববীয়া কবি-সাংবাদিক পাপু বৰা আৰু দাতা শংকুসিদ্ধ নাথ উপস্থিত থাকি ছাত্রগৰাকীৰ উজ্জ্বল ভৱিষ্যৎ কামনা কৰে | ইয়াৰোপৰি উক্ত কাৰ্য্যসূচীতেই সংবাদ মাধ্যমলৈ শলাগ জ্ঞাপন কৰি নতুন খলিহামাৰী গাঁৱৰ উদীয়মান যুৱক সীমান্ত বৰায়ো ছাত্রজনক অৰ্থসাহাৰ্য্য প্ৰদান কৰে |