অনলাইন বাণিজ্যৰ এক বৃহৎ বহুজাতিক প্ৰযুক্তি প্ৰতিষ্ঠান আমাজনে বন্ধ কৰিবলৈ ওলাইছে ৬০খনতকৈও অধিক খুচুৰা বিপণী৷ তাৰ পৰিৱৰ্তে আমাজনে গ্ৰোচাৰী আৰু ফেশ্যনত নতুনকৈ গুৰুত্ব আৰোপ কৰিবলৈ বিচাৰিছে৷ আমাজনে ২০১৫ত ছিয়েটলত আমাজনৰ প্ৰথমখন কিতাপৰ বিপণি মুকলি কৰিছিল৷ আৰু পাছলৈ সমগ্ৰ আমেৰিকা যুক্তৰাষ্ট্ৰ আৰু বিদেশত এমাজনে নিজৰ ব্যৱসায় সম্প্ৰসাৰিত কৰিছিল৷
আমাজনে সমগ্ৰ আমেৰিকা যুক্তৰাষ্ট্ৰত আৰু ইংলেণ্ডত বুকছকে ধৰি ইয়াৰ বেছিভাগ ‘ষ্টৰ ফ্ৰণ্ট’ বন্ধ কৰাৰ কথা ঘোষণা কৰিছে, কিয়নো এমাজনে শেহতীয়াকৈ অধিক ফেশ্যন আৰু গ্ৰোচাৰী বিপণি মুকলি কৰিবলৈ সিদ্ধান্ত গ্ৰহণ কৰিছে৷২০১৭ত হোল ফুডছৰ ১৩.৭ বিলিয়ন ডলাৰ সম্প্ৰসাৰণৰ সৈতে এমাজনে গ্ৰোচাৰী বিপণিৰ সৈতে খুচুৰা ব্যৱসায় সম্প্ৰসাৰিত কৰিবলৈ ধৰে৷
২০১৮ত প্ৰতিষ্ঠানটোৱে আমাজন 4-ষ্টাৰ বিপণী মুকলি কৰে, যিয়ে Amazon.comত সৰ্বাধিক বিক্ৰী হোৱা সামগ্ৰী বিক্ৰী কৰে৷ লগতে অনলাইন ক্ৰেতাৰ দ্বাৰা চাৰিটা ষ্টাৰ বা তাতকৈ অধিক মূল্যাংকন কৰা সামগ্ৰী বিক্ৰী কৰে। প্ৰতিষ্ঠানটোৱে শেহতীয়াকৈ ফেশ্যনৰ ওপৰত গুৰুত্ব দিয়া ৰিটেইল বিপণি ‘এমাজন ষ্টাইল’ মুকলি কৰাৰ কথা ঘোষণা কৰিছে৷