নগাঁও চহৰৰ আমোলাপট্টিৰ শিৱনগৰত কলঙৰ বুকুত আজি এটা বৰকাছ ওলোৱা ঘটনাই চাঞ্চল্যৰ সৃষ্টি কৰিছে।জানিব পৰা মতে নগাঁৱৰ আমোলাপট্টিৰ শিৱনগৰৰ ওচৰত কলঙত আজি যুৱক কেইজনমানে মাছ ধৰি থাকোতে জালত বৰকাছটো উঠি আহে ৷ মাছ ধৰি থকা যুৱক কেইজনে লগে লগে স্থানীয় ৱাৰ্ড কমিচনাৰ সীমান্ত বৰাক খবৰ দিয়ে ।সীমান্ত বৰা আমোলাপট্টি শ্মশানৰ ওচৰৰ কলঙ সূঁতিৰ পাৰত উপস্থিতহৈ প্ৰথমে আমোলাপট্টিৰ শিৱ নগৰৰ শিৱ মন্দিৰত বৰ কাছটো সংৰক্ষনৰ দিহা কৰে।
কিন্তু কাছটো যথেষ্ট ডাঙৰ হোৱাৰ বাবে সেই স্থানতত ৰাখিব পৰা নগল।সেয়ে তেওঁলোকে বন বিভাগক অৱগত কৰে ৷ বন বিভাগৰ দলে শিৱ মন্দিৰ প্ৰাঙ্গনত উপস্থিত হৈ কাছটো নিজৰ জিম্মাত লৈ বৰদোৱালৈ লৈ যায় ৷বন বিভাগে বৰদোৱাৰ আকাশীগঙ্গাত কাছটো এৰি দিয়াৰ ব্যৱস্থা কৰে ৷