অনন্ত আৰু ৰাধিকা হানিমুনৰ বাবে মধ্য আমেৰিকাৰ কোষ্টা ৰিকাত থকা এখন বিলাসী হোটেললৈ যায়। তাত এৰাতি কটালে লাখ লাখ টকা খৰচ হয়। উদ্যোগপতি মুকেশ আম্বানীৰ কনিষ্ঠ পুত্ৰ অনন্ত আম্বানীৰ দীৰ্ঘদিনীয়া প্ৰেমিকা ৰাধিকা মাৰ্চেণ্টৰ সৈতে বিবাহ হয়। বিয়াৰ পিছত সকলোৰে মনত প্ৰশ্নটো হ’ল নৱ দম্পতী হানিমুনলৈ ক’লৈ যাব। অৱশেষত অকলে থাকিবলৈ অনন্ত আৰু ৰাধিকাই মধ্য আমেৰিকাৰ কোষ্টা ৰিকাত থকা এখন বিলাসী হোটেললৈ যায়।
এক সূত্ৰৰ অনুসৰি অনন্ত আৰু ৰাধিকা যোৱা ১ আগষ্টত কোষ্টা ৰিকাৰ এখন হোটেলত উপস্থিত হৈছিল। খবৰ অনুসৰি এই বিলাসী হোটেলখন হৈছে কোষ্টা ৰিকাৰ ফোৰ ছিজনছ ৰিজ’ৰ্টৰ কাছা লাছ অলাছ। প্ৰশান্ত মহাসাগৰৰ পাৰত অৱস্থিত এই হোটেলখন ১৮,৪৭৫ বৰ্গফুটত নিৰ্মিত। মুঠ ছটা শোৱা কোঠা থকা হোটেলখনৰ ভিলাত আম্বানীৰ পুত্ৰ আৰু বোৱাৰীয়েক থাকে। ৰিজ’ৰ্টখনৰ ৱেবছাইট অনুসৰি সেই হোটেলখনত এৰাতি থাকিবলৈ কমেও এক লাখ টকা খৰচ কৰিব লাগে। ইয়াৰ পিছত অতিথিৰ বাবে কোঠা আৰু সুবিধা অনুসৰি খৰচ বৃদ্ধি পায়। অনন্ত আৰু ৰাধিকা থকা ভিলাটোৰ মূল্য ভাৰতীয় মুদ্ৰাত প্ৰায় ৩০ লাখ টকা এৰাতিৰ বাবে।
যোৱা ১২ জুলাইত মুম্বাইৰ জিঅ’ কনভেনচন চেণ্টাৰত অনুষ্ঠিত হৈছিল অনন্ত-ৰাধিকাৰ বিবাহ অনুষ্ঠান। তিনিদিনীয়া এই বিবাহ অনুষ্ঠানলৈ দেশ-বিদেশৰ কেইবাজনো তাৰকা, ৰাজনীতিবিদ, উদ্যোগপতি আহিছিল।