কেন্দ্ৰীয় চৰকাৰে গৃহীত কৰা তিনিখন নতুন কৃষি আইন বাতিলৰ দাবীত দিল্লী সিঙ্ঘু সীমান্তত বিক্ষোভ প্ৰদৰ্শন কৰি থকা কৃষকসকলৰ সমৰ্থনত এবাৰ মাত দিছে আন্না হাজৰেই । ৮৩ বছৰীয়া আন্না হাজাৰেই কৃষক আন্দোলনক কেন্দ্ৰ কৰি কেন্দ্ৰীয় চৰকাৰলৈ এখন পত্ৰ লিখিছে কৈছে যে কৃষি মন্ত্ৰীয়ে লিখিত ৰূপত দিয়া প্ৰতিশ্ৰুতি পালন কৰা নাই সেয়ে মই জীৱনৰ অন্তিম অনশন কাৰ্যসূচী গ্ৰহণ কৰিম ।
তেওঁ লগতে এই অনশন কাৰ্যসূচী দিল্লী নে মুম্বাই নে তেওঁ নিজৰ গাঁৱত গ্ৰহণ কৰিব সেই কথা পৰৱৰ্তী সময়ত অৱগত কৰিব বুলিও উল্লেখ কৰে ।
সমাজকৰ্মীজনে ইয়াৰ পূৰ্বে কৈছিল যে যদি অতি শীঘ্ৰে কৃষকৰ দাবী পূৰণ নহয় তেন্তে তেওঁ কেন্দ্ৰীয় চৰকাৰৰ বিৰুদ্ধে গণ আন্দোলন গঢ়ি তুলিব। তেওঁ লগতে কৈছিল যে লোকপাল আন্দোলনে যেনেদৰে কংগ্ৰেছ চৰকাৰক ওফৰাই পেলাইছিল, মই কৃষকৰ আন্দোলনো সেই দৃষ্টিভংগীৰে চাও।