লণ্ডন অলিম্পিকত শিখা দৌৰত অংশ গ্ৰহন কৰা ডিব্ৰুগড়ত পিংকী কৰ্মকাৰলৈ ৰাজ্য চৰকাৰ নিযুক্তি প্ৰত্র। দেশৰ ৭৫ সংখ্যক স্বাধীনতা দিৱস দিনাই ৰাজ্যিক মন্ত্ৰী সঞ্জয় কৃষাণে প্ৰদান কৰিলে নিযুক্তি প্রত্ৰ। ২০১২ বৰ্ষত লণ্ডন অলিম্পিকত শিখা দৌৰত অংশ গ্ৰহন কৰা ডিব্ৰুগড় বৰবৰুৱা চাহ বাগিছা পিংকী কৰ্মকাৰ বৰ্তমানৰ জীৱন সংগ্ৰাম তথা জীৱন শৈলীৰ কথা সংবাদ মাধ্যমত প্ৰকাশ পাইছিল।
উল্লেখ্য যে লণ্ডন অলিম্পিকত শিখা দৌৰত অংশ গ্ৰহন কৰা পিংকী কৰ্মকাৰ বৰবৰুৱা চাহ বাগিছাত শ্ৰমিক হিচাপে কৰ্মৰত কাহিনী লৈ অহা হৈছিল সামাজিক মাধ্যমৰ জৰিয়তে সকলোৱে মাজলৈ। আৰু তাৰ পাছতে ৰাজ্যৰ সচেতন মহলৰ মাজত খলকনিৰ সৃষ্টি হৈছিল ।
শেহতীয়াকৈ পিংকী কৰ্মকাৰকে সাক্ষাৎ কৰিছিল মুখ্য মন্ত্ৰী ড০হিমন্ত বিশ্ব শৰ্মাক। মুখ্য মন্ত্ৰী জনে পিংকী কৰ্মকাৰক আশ্বাস প্ৰদান কৰিছিল পিংকী কৰ্মকাৰক চৰকাৰী এটা চাকৰিত নিযুক্ত প্ৰদান কৰাৰ।
দেওবাৰে দেশৰ ৭৫ সংখ্যাক স্বাধীনতা দিবস দিনা ডিব্ৰুগড় বৰবৰুৱাত মন্ত্ৰী সঞ্জয় কৃষান উপস্থিত হৈ পিংকী কৰ্মকাৰক প্ৰদান কৰে নিযুক্ত প্ৰত্ৰ।
ৰাজ্য চৰকাৰৰ শ্ৰম বিভাগত নিযুক্তি প্ৰদান কৰাত উৎফুল্লিত পিংকী আৰু মুখ্যগৰাকীক ধন্যবাদ জ্ঞাপন কৰে।
“মই বহুত সুখী আৰু মোক সহায় কৰা সকলো সংবাদ মাধ্যমৰ লোকক ধন্যবাদ জনাব বিচাৰো। এইটো কেৱল আপোনালোকৰ কাৰণেএতিয়া মই এটা ভাল জীৱন যাপন কৰিবলৈ সক্ষম হ’ম। যোৱা 9 বছৰ ধৰি, মই চাহ বাগিচাত কাম কৰি আছিলো আৰু যথেষ্ট কষ্টৰ সন্মুখীন হৈছিলোঁ। মই সেই দিনবোৰ কেতিয়াও পাহৰিব নোৱাৰিম কিন্তু চৰকাৰৰ পৰা নিযুক্তি পত্ৰ পাই মই বহুত সুখী। মই মুখ্যমন্ত্ৰী শৰ্মা, শ্ৰম কল্যাণ মন্ত্ৰী সঞ্জয় কিষাণ আৰু ডুমডুমাৰ বিধায়ক ৰূপেশ গোৱালাক মোক মোৰ প্ৰাপ্য খিনি দিয়াৰ বাবে ধন্যবাদ জনাব বিচাৰো”, কৰ্মকাৰে কয়।