১৯৯৮ চনত বিবাহপাশত আবদ্ধ হোৱা মালাইকা অৰোৰা আৰু আৰবাজ খানৰ বিবাহ বিবাহৰ ১৯ বছৰৰ পিছত ২০১৭ চনত দুয়োৰে বিবাহ বিচ্ছেদ হয়। দুয়োৰে এটি পুত্ৰ সন্তান আছে, যাৰ নাম আৰহান খান। তেওঁলোকৰ বিবাহ বিচ্ছেদৰ ৭ বছৰ হ’ল আৰু খান পৰিয়াল আৰু মালাইকা অৰোৰাক একেলগে দেখা পোৱা অনুষ্ঠান অতি কমেই। এইবাৰ অভিনেত্ৰীগৰাকীৰ পিতৃৰ মৃত্যুত প্ৰাক্তন স্বামী আৰবাজ খান আৰু তেওঁৰ সমগ্ৰ পৰিয়ালে অভিনেত্ৰীগৰাকীৰ শোকত শোক প্ৰকাশ কৰিছিল।(Arbaaz Khan Malaika Arora)
এতিয়া শেহতীয়াকৈ মালাইকা অৰোৰাই মুম্বাইত মুকলি কৰিছে তেওঁৰ নতুন ৰেষ্টুৰেণ্ট। য’ত পুনৰবাৰ উপস্থিত হৈছিল পৰিয়ালৰ সৈতে প্ৰাক্তন স্বামী আৰবাজ খান, খান পৰিয়ালৰ বহু ফটো আৰু ভিডিঅ’ ছ’চিয়েল মিডিয়াত ভাইৰেল হৈ পৰিছে। আৰবাজ খানৰ উপৰিও চেলিম খান, সুশীলা চৰাক (ছালমা খান), হেলেন, ছোহেইল খানৰ পুত্ৰ নিৰ্বাণ আৰু ছলমান খানৰ ভগ্নী আলভিৰা পৰিয়ালসহ মালাইকাৰ নতুন ৰেষ্টুৰেণ্টত উপস্থিত হয়। অৱশ্যে ছলমান খানকে ধৰি পৰিয়ালটোৰ একাংশ সদস্যক দেখা নাযায়।
ইয়াৰ উপৰিও সোহেইল খান আৰু আৰবাজৰ পত্নী শ্বুৰা খানকো দেখা পোৱা নগ’ল। কিন্তু ছচিয়েল মিডিয়াত ছলমান খানৰ পৰিয়ালক যথেষ্ট প্ৰশংসা কৰা হৈছে। য’ত ব্যৱহাৰকাৰীয়ে কয় যে দুখ হওক বা সুখ হওক, খান পৰিয়ালক সদায় নিজৰ মানুহৰ লগত থিয় হোৱা দেখা যায়। বহু বছৰ আগতে আৰবাজ আৰু মালাইকাৰ বিবাহ বিচ্ছেদ হ’লেও খান পৰিয়ালে এতিয়াও মালাইকাক নিজৰ পৰিয়ালৰ অংশ বুলি গণ্য কৰে।