বছৰৰ আৰম্ভণিতে সুখবৰ দিলে জনপ্ৰিয় কণ্ঠশিল্পীৰাকীয়ে। যাদুকৰী কন্ঠেৰে বহুগৰাকীৰ হৃদয় জিনা জনপ্ৰিয় কণ্ঠশিল্পী আৰমান মালিক বিবাহপাশত আৱদ্ধ হ’ল।(Armaan Malik) ছচিয়েল মিডিয়াত বিয়াৰ ফটো শ্বেয়াৰ কৰিলে আৰমান মালিকে। ফটোৰ কেপচনত লিখিছে – তু হি মেৰা ঘৰ। বতাহৰ গতিত ভাইৰেল হৈছে আৰমানৰ বিয়াৰ ফটো। বৃহস্পতিবাৰে পুৱা বিয়াৰ ফটো শ্বেয়াৰ কৰি অনুৰাগীসকলক ছাৰপ্ৰাইজ দিলে আৰমান মালিকে।
ঘৰুৱা অনুষ্ঠানৰ মাজেৰে গোপনেই দীৰ্ঘদিনৰ প্ৰেমিকা আশনা শ্ৰফৰ সৈতে বিবাহপাশত আবদ্ধ হ’ল আৰমান মালিক। সম্প্ৰতি ছচিয়েল মিডিয়াত বিয়াৰ ফটো শ্বেয়াৰ কৰিলে আৰমান মালিকে। বিয়াত পেষ্টেল শ্বেডৰ পোছাকত টুইনিং কৰিছিল দৰা আৰু কইনাই।(Aashna Shroff)
কিন্তু কোন এই আশনা শ্ৰফ? আৰমানৰ পত্নী আশনা শ্ৰফ হ’ল ভাৰতীয় ফেশ্বন আৰু বিউটী ভ্লগাৰ আৰু ইউটিউবাৰ। তেওঁ কছম’পলিটান লাক্সাৰী ফেশ্বন ইনফ্লুৱেঞ্চাৰ অৱ দ্য ইয়াৰ ২০২৩ নিৰ্বাচিত হৈছিল। ২০২৩ চনৰ আগষ্ট মাহত বাগদান হৈছিল আৰমান আৰু আশনাৰ। দীৰ্ঘদিনৰ প্ৰেমিকাক চিনেমাৰ ষ্টাইলত আঙঠি পিন্ধোৱা দেখা গৈছিল আৰমানক।