কামৰূপ জিলাৰ অন্তৰ্গত হাজোৰ পতনিস্থিত চন্দ্ৰমা হোটেল এণ্ড ৰেষ্টুৰেণ্টৰ (মুক্তিযুঁজাৰু ডা° সম্ভুৰাম মেধি কমপ্লেক্স) সভাগৃহত মঙ্গলবাৰে দিনযোৰা কাৰ্যসূচীৰে সৈনিক শিল্পী ব্ৰজনাথ শৰ্মা সোঁৱৰণী অনুষ্ঠানটি সম্পণ্ণ কৰা হ’য়।
সেই অনুসৰি ৰাতিপুৱা ৯-০০ বজাত পতাকা উত্তোলন কৰে হাজো শাখাৰ সভাপতি বাবুল মজুমদাৰে ,৯- ৩০ বজাত শিল্পী ব্ৰজনাথ শৰ্মাৰ প্ৰতিচ্ছবিত মাল্যৰ্পণ কৰে নৃত্য শিল্পী মনেশ্বৰ দাসে ,বন্তি প্ৰজ্জ্বলন কৰে সাংবাদিক শৈলেন বৈশ্যই । দিনৰ ১১ বজাত অসম নাট্য সন্মিলন হাজো শাখাৰ সভাপতি বাবুল মজুমদাৰৰ সভাপতিত্বত অনুষ্ঠিত মুকলি সভাত নিৰ্দিষ্ট বক্তা সদৌ অসম ছাত্ৰ সন্থাৰ উপদেষ্টা প্ৰকাশ দাস ,নাট্য পৰিচালক তথা ওস্তাদ বিছমিল্লা খাঁ সংগীত নাটক একাডেমি যুৱ বঁটা প্ৰাপক হিমাংশু শৰ্মা ,
পঞ্চতীৰ্থ পৰিচালনা সমিতিৰ সভাপতি শিৱপ্ৰসাদ শৰ্মা দলৈ , সুৰেন দাস মহাবিদ্যালয়ৰ শিক্ষা বিভাগৰ মুৰব্বী অধ্যাপিকা ড° বিনীতা দাস ,বিবেকানন্দ দাসকে প্ৰমূখ্যে প্ৰায় সংখ্যক লোক উপস্থিত থাকে। সভাত গীত পৰিবেশন কৰে গীতিকাৰ সোনাৰাম দাসে।সভাত নৃত্য বিশাৰদ,নাট্য শিল্পী ড° পঙ্কজ নমঃশূদ্ৰ , নাট্য শিল্পী কিচিন দাস , নাট্যকাৰ ৰত্নাকৰ নায়কক ২০২৩ বৰ্ষৰ ব্ৰজশৰ্মা বটাঁ প্ৰদান কৰা হ’য়।সভাৰ শেষত শলাগৰ শৰাই আগবঢ়াই মুনদ্বীপ দাসে।