৩০ ডিচেম্বৰ, ২০২৪ঃ Arunachal Pradesh। চিলাপথাৰ আৰক্ষী থানাৰ অন্তৰ্গত চিলি অসমীয়া গাঁৱত অসমৰ ভুমিত অৰুণাচলী লোকে সুৰাৰ দোকান নিৰ্মাণকলৈ জাঙুৰ খাই উঠিছে স্থানীয় ৰাইজে । চিলাপথাৰৰ চিলিত অসমৰ ভুমিত অৰুণাচলী সুৰাৰ দোকান নিৰ্মাণকলৈ অতি শীঘ্ৰে বন্ধৰ দাবী জনালে স্থানীয় ৰাইজে । দশক দশক ধৰি অসমৰ ভূমি হিচাপে পৰিচিত জোনাই সমষ্টিৰ চিলি অসমীয়া গাঁৱত অৰুণাচলৰ প্ৰদেশখনৰ বুলি অৰুনাচলৰ একাংশই দাবী জনাই আহিছে।
চিলাপথাৰৰ চিলি অসমীয়া গাঁৱত বিবদমান ভূমিত এইবাৰ অৰুণাচলৰ এজন ব্যৱসায়ীকে এখন সুৰাৰ দোকান স্হাপন কাম আৰম্ভ। ইতিমধ্যেই সুৰাৰ বেনাৰ লগাই দোকানৰ কামকাজ আৰম্ভ কৰাৰ সময়তেই অসমৰ খিলঞ্জীয়া স্হানীয় ৰাইজে বন্ধ কৰিবলৈ দাবী জনাই আহিছে যদিও অৰুনাচলৰ সুৰাৰ দোকানৰ স্বতাধিকাৰী কেৰেপ কৰা নাই স্হানীয় ৰাইজ তথা জিলা প্ৰশাসন ৷
উল্লেখযোগ্য যে বসুন্ধৰা ০.১/০.২ আৰু ০.৩ আঁচনিৰ যোগেদি অসম চৰকাৰে মাটি পট্ৰা দিয়াৰ ব্যৱস্হা কৰিছে যদিও আজি পৰ্যন্ত চিলি অসমীয়াৰ গাঁৱৰ ৰাইজে বঞ্চিত হৈ থকাত অৰুনাচল প্ৰদেশৰ একাংশ লোকে সুযোগ গ্ৰহণ কৰাৰ পৰিলক্ষিত হৈছে । অসমৰ ভুমিত নিৰ্মিয়মান অৰুনাচলীৰ সুৰাৰ দোকান অনতিপলমে বন্ধ কৰিবলৈ অসম চৰকাৰক আহ্বান জনায়। অন্যথা গণতান্ত্ৰিক আন্দোলনৰ কাৰ্যসূচী গ্ৰহণ কৰিব বুলি হুংকাৰ প্ৰদান কৰে।