দেৰগাঁৱৰ জিসান জংগম বৰালৈ অসম চৰকাৰৰ “লোকসেৱা বঁটা” ২০২৪। গোলাঘাট জিলা পৰ্যায়ত পাবলৈ সক্ষম হ’ল এই বঁটা। সোমবাৰে গোলাঘাট জিলা পুথিভঁৰাল প্ৰেক্ষাগৃহত জিলা প্ৰশাসনে প্ৰদান কৰে এই বঁটা।
বুনিয়াদী প্ৰশিক্ষণ কেন্দ্ৰ দেৰগাঁৱৰ কনিষ্ঠবৰ্গ সহায়ক হিচাপে বৰ্তমান কৰ্মৰত জিসান জংগম বৰা। ছাত্ৰ অৱস্থাৰ পৰাই জিসান জংগম বৰা বিভিন্ন সামাজিক ক্ষেত্ৰত জড়িত।
দেৰগাঁও সাহিত্য সভাৰ শতবৰ্ষ উদযাপন সমিতিৰ যুটীয়া সাধাৰণ সম্পাদকৰ লগতে দেৰগাঁও কেন্দ্ৰীয় ৰঙালী বিহুৰ স্থায়ী সমিতিৰ সাধাৰণ সম্পাদকৰ দায়িত্বত আছিল জিসান জংগম বৰা। অসম চৰকাৰে জিসান জংগম বৰাৰ দৰে যোগ্য জনক এই বঁটা দিয়া বাবে উৎফুল্লিত হৈ পৰিছে সমগ্ৰ দেৰগাঁৱবাসী।