নাজিৰা
যোৱা নিশা নাজিৰা মহকুমাৰ অসম-নাগালেণ্ড সীমান্তবৰ্তী গেলেকী দেওপানীত সেনা-আৰক্ষীৰ যুটীয়া অভিযানত এজন দুধৰ্ষ ডকাইত আটক হয়।আটকাধীন দুধৰ্ষ ডকাইতজনৰ পৰা এটা পিষ্টল আৰু কেইবাজাই গুলী উদ্ধাৰ কৰে।ঘটনা সন্দৰ্ভত জানিব পৰা মতে যোৱা নিশা প্ৰায় ৯ বজাত মাইবেলাস্হিত সেনাৰ আৰ্টিলেৰী গ্ৰুপৰ এটা সেনাৰ দল আৰু গেলেকী আৰক্ষীয়ে এক গোপন সুত্ৰৰ পমখেদি নাজিৰা মহকুমাৰ সীমান্তবৰ্তী গেলেকী দেওপানীত এক অভিযান চলায়।অভিযানকালত মোহন মেছ(২৩)নামৰ এজন দুধৰ্ষ ডকাইতক আটক কৰে।আটকাধীন ডকাইত টোৰ হাতৰ পৰা সেনা-আৰক্ষীৰ দলটোৱে এটা পিষ্টল আৰু ৩ জাই গুলী উদ্ধাৰ কৰে।সেনাই আটকাধীন ডকাইত টোক পাছত গেলেকী আৰক্ষীক গতাই দিয়াত গেলেকী আৰক্ষীয়ে এক গোচৰ ৰুজু কৰি গ্ৰেপ্তাৰ কৰে।উল্লেখ্য যে দুধৰ্ষ এই মোহন মেছে শিৱাসাগৰ জিলাৰ উপৰি উজনি অসমৰ বিভিন্ন ঠাইত ডকাইতি আৰু গাড়ী চুৰি ঘটনাৰসৈতে জড়িত থকাৰ অভিযোগ উত্থাপিত হৈছে।স্মৰ্তব্য যে গাড়ী চোৰ,দুধৰ্ষ ডকাইতে উজনি অসমৰ বিভিন্ন স্হানত অপৰাধ সংঘটিত কৰি দেওপানী-বৰছিলা হৈ নাগালেণ্ডৰ টুলীত আত্মগোপন কৰি আহিছে।