অসম আৰক্ষী উপ-পৰিদৰ্শকৰ পৰীক্ষাৰ ফলাফল ঘোষণা

অৱশেষত ঘোষণা কৰা হ’ল অসম আৰক্ষী উপ-পৰিদৰ্শকৰ পৰীক্ষাৰ ফলাফল। ৰাজ্যিক পৰ্যায়ৰ আৰক্ষী নিযুক্তি ব’ৰ্ডে উপ-পৰিদৰ্শকৰ (ইউ বি) ৫৯৭টা পদৰ বাবে অনুষ্ঠিত কৰা পৰীক্ষাৰ ফলাফল ঘোষণা কৰিলে। এই ফলাফলত ৫৯৭ পদত ৪১৮ জন পুৰুষ আৰু ১৭৯ গৰাকী মহিলা পৰীক্ষাৰ্থী উত্তীৰ্ণ হৈছে।

উল্লেখ্য যে, ২০ ছেপ্তেম্বৰত প্ৰথমটো পৰীক্ষা অনুষ্ঠিত হোৱাৰ কিছু সময়ৰ ভিতৰতেই পৰীক্ষাৰ প্ৰশ্ন কাকত ফাদিল হৈছিল। যাৰ ফলত বাতিল হৈছিল প্ৰথমটো পৰীক্ষা। ইয়াৰ পাছত প্ৰশ্নকাকত ফাদিলক লৈ কঠোৰ হৈছিল মুখ্যমন্ত্ৰী সোণোৱাল। এই প্ৰশ্ন কাকত ফাদিলক লৈ কৰা তদন্তত ঘটনাৰ সৈতে জড়িত থকাৰ অভিযোগত গ্ৰেপ্তাৰ হৈছিল পি কে দত্ত, দিবন ডেকাকে ধৰি আৰক্ষীৰ শীৰ্ষ বিষয়া কুমাৰ সঞ্জীত কৃষ্ণ। 

ইফালে এই তদন্ত প্ৰক্ৰিয়া চলি থকাৰ মাজতেই পুনৰ নিকা পদ্ধতিৰে ২২ নৱেম্বৰত অনুষ্ঠিত হৈছিল নিযুক্তি পৰীক্ষা। মুখ্যমন্ত্ৰীৰ তৎপৰতাত সম্পূৰ্ণ নিকা পদ্ধতিৰে পৰীক্ষাৰ ফলাফল ঘোষণাৰ পাছতেই চৰকাৰৰ ক্ষীপ্ৰ পদক্ষেপত বিভিন্ন জনে এতিয়া শলাগ লোৱাৰ লগতে উত্তীৰ্ণ প্ৰাৰ্থীসকলে সন্তুোষ প্ৰকাশ কৰিছে।

Related Articles