নতুন চৰকাৰখনত তিনিজন আহোম সম্প্ৰদায়ৰ বিধায়কক মন্ত্ৰীত্ব প্ৰদানৰ দাবী আটাছুৰ
নৱ নিৰ্বাচিত মুখ্যমন্ত্ৰী ড° হিমন্ত বিশ্ব শৰ্মাৰ লগতে নতুনকৈ গঠন হোৱা মন্ত্ৰী পৰিষদক শুভেচ্ছা জনালে সদৌ তাই আহোম ছাত্ৰ সন্থাৰ কেন্দ্ৰীয় সমিতিৰ সহকাৰী সম্পাদক দেৱজিৎ গগৈয়ে । আনহাতে নেতাজনে নতুনকৈ গঠন হোৱা মন্ত্ৰী পৰিষদত আহোম জনগোষ্ঠীৰ পৰা তিনিজন বিধায়কক মন্ত্ৰী সভাত অন্তৰ্ভূক্ত কৰিবলৈ আহ্বান জনাইছে । লগতে নিৰ্বাচনৰ পূৰ্বে যিসমূহ প্ৰতিশ্ৰুতি দিছিল সেয়া বাস্তৱত ৰূপায়ন কৰিবলৈ আহ্বান জনোৱাৰ লগতে ইয়াৰে ভিতৰত অসম চুক্তিৰ ৬ নং দফা সম্পূৰ্ণ কাৰ্যকৰী কৰিবলৈ দাবী জনায় আৰু জনজাতিকৰণ প্ৰক্ৰিয়াটো আগুৱাই নিব বুলি দৃঢ়বিশ্বাসী ।আনহাতে নতুন চৰকাৰখনে আহোমৰ ৰাজত্বকালৰ কীৰ্তি চিহ্ন সমূহ সংৰক্ষণ কৰাত গুৰুত্ব প্ৰদান কৰিব বুলি আশাবাদী আটাছুৰ।