শীঘ্ৰেই পিতৃ-মাতৃ হ’ব বলীউডৰ অভিনেতা সুনীল শ্বেট্টীৰ কন্যা আথিয়া শ্বেট্টী আৰু ক্ৰিকেটাৰ কে এল ৰাহুল।(Athiya Shetty Baby Bump)দুয়োজনে যোৱা মাহত এই সুখবৰ শ্বেয়াৰ কৰিছিল সামাজিক মাধ্যমত, যাৰ বাবে তেওঁলোকৰ অনুৰাগীসকলো অতিশয় উৎসাহিত। তেওঁ ক’লে যে এতিয়া তেওঁলোক দুজনৰ পৰা তিনিজনলৈ হ’ব। অৱশ্যে গৰ্ভধাৰণৰ ভাল খবৰ দিয়াৰ পিছত সংবাদ মাধ্যমৰ পৰা কিছু দূৰত্ব বজাই ৰাখিছিল দম্পতীহালে। একে সময়তে শেহতীয়াকৈ আথিয়াই প্ৰথমবাৰৰ বাবে নিজৰ বেবী বাম্প প্ৰদৰ্শন কৰা দেখা গৈছে।
আথিয়াৰ এই ভাইৰেল ভিডিঅ’টো অষ্ট্ৰেলিয়াৰ, য’ত অনুষ্কা শৰ্মাকো তেওঁৰ সৈতে দেখা গৈছে। কে এল ৰাহুল আৰু আথিয়া শ্বেট্টীয়ে দীৰ্ঘদিন ধৰি প্ৰেমৰ অন্তত ২০২৩ চনত বিবাহপাশত আবদ্ধ হয়।
এতিয়া প্ৰায় এবছৰৰ বিবাহৰ অন্তত প্ৰথম সন্তানক আদৰিবলৈ সাজু হৈছে দম্পতীহালে। যোৱা মাহত দুয়োজনে এই ভাল খবৰটো নিজৰ অনুৰাগীৰ সৈতে শ্বেয়াৰ কৰিছিল, যাৰ বাবে অনুৰাগীৰ মাজত সুখৰ জোৱাৰ উঠিছিল। এতিয়া দুয়োজনেই নিজৰ আগন্তুক সন্তানক লৈ অতিশয় উৎসাহিত। গৰ্ভাৱস্থাৰ এই বিশেষ সময়ত অথিয়াই নিজৰ স্বামী কে এল ৰাহুলৰ সৈতে সময় কটাবলৈ লৈছে। এই সময়ছোৱাত মেলবৰ্ণত চলি থকা টেষ্ট শৃংখলাত ষ্টেডিয়ামত নিজৰ দলটোক উৎসাহিত কৰি আছে ক্ৰিকেটাৰগৰাকীয়ে, য’ত আথিয়া শ্বেট্টীয়েও তেওঁক সহায় কৰিছে।
আথিয়া শ্বেট্টীয়ে আজিকালি অনুষ্কা শৰ্মাৰ সৈতে বেছিভাগ সময় কটায়। শেহতীয়াকৈ দুয়োকে একেলগে দেখা পোৱা ছবি বিৰাট কোহলীৰ ফেন পেজত শ্বেয়াৰ কৰা হৈছে।