কানাডাৰ ব্ৰেম্পটনৰ হিন্দু সভা মন্দিৰত সংঘটিত হয় হিংসাত্মক পৰিস্থিতিৰ। কানাডাৰ ব্ৰেম্পটনৰ মন্দিৰত খালিস্তানীয়ে আক্ৰমণে কৰিছিল হিন্দু মন্দিৰ আৰু ভক্তক। ৩ নৱেম্বৰৰ এই আক্ৰমণৰ পিছতে ৪ নৱেম্বৰৰ সন্ধিয়া ব্ৰেম্পটনৰ হিন্দু সভা মন্দিৰৰ বাহিৰত এক বৃহৎ জনসমাগম হয়।(Attack on Hindu Temple in Canada)প্ৰতিবাদী সমাৱেশত অংশগ্ৰহণ কৰা ৰাইজৰ হাতত লৈছিল ভাৰতীয় পতকা। ‘বন্দে মাতৰম’ আৰু ‘জয় শ্ৰী ৰাম’ ধ্বনি দি ৰাইজে মন্দিৰ আৰু হিন্দুসকলৰ সৈতে সংহতি প্ৰদৰ্শন কৰে। খালিস্তানী পতাকা লৈ প্ৰতিবাদকাৰীয়ে হিন্দু মন্দিৰত মানুহৰ ওপৰত কৰা হিংসাত্মক ঘটনা সন্দৰ্ভত ভাৰতে কঠোৰ স্থিতি গ্ৰহণ কৰিছে। প্ৰধানমন্ত্ৰী নৰেন্দ্ৰ মোদীয়ে এই আক্ৰমণক তীব্ৰ গৰিহণা দিয়ে। আনহাতে বৈদেশিক মন্ত্ৰী এছ জয়শংকৰেও এই ঘটনাক লৈ উদ্বেগ প্ৰকাশ কৰে।(Canada)
ব্ৰেম্পটনৰ হিন্দু সভা মন্দিৰৰ বাহিৰত সমবেত হোৱা ৰাইজে জাষ্টিন ট্ৰুডো চৰকাৰৰ বিৰুদ্ধে শ্ল’গান দিয়ে। প্ৰতিবাদত অংশগ্ৰহণ কৰা এজনে কয় ‘আজি এটা কথা স্পষ্ট হৈছে- আমি থাকো কানাডাত আৰু আমাৰ জীৱন ভাৰতত বাস কৰে। হিন্দু কানাডিয়ানসকল কানাডাৰ প্ৰতি অতি আনুগত্যশীল। হিন্দু কানাডিয়ানৰ লগত যি হৈছে সেয়া ঠিক নহয়। হিন্দু কানাডিয়ানৰ লগত যি হৈছে সেয়া ভুল বুলি সকলো ৰাজনীতিবিদে উপলব্ধি কৰাৰ সময় আহি পৰিছে। আমি বিচাৰো কানাডাই হিন্দুসকলৰ লগত ভাল ব্যৱহাৰ কৰক। আমি বিচাৰো ভাৰত আৰু কানাডাৰ সম্পৰ্ক অধিক শক্তিশালী হওক হয়।(Narendra Modi)
প্ৰধানমন্ত্ৰী নৰেন্দ্ৰ মোদীয়ে এই ঘটনাক ‘ইচ্ছাকৃত আক্ৰমণ’ আৰু ‘আমাৰ কূটনীতিবিদসকলক ভয় খুৱাবলৈ কাপুৰুষ প্ৰয়াস’ বুলি অভিহিত কৰে। কানাডা চৰকাৰে ন্যায় নিশ্চিত কৰিব আৰু আইনৰ শাসন বজাই ৰাখিব বুলিও তেওঁ আশা প্ৰকাশ কৰে।এক্সত এটা পোষ্টত মোদীয়ে কয়, ‘কানাডাৰ এটা হিন্দু মন্দিৰত ইচ্ছাকৃতভাৱে কৰা আক্ৰমণক মই তীব্ৰ গৰিহণা দিছো। (Hindu Temple)
একে সময়তে বৈদেশিক মন্ত্ৰী জয়শংকৰে ৰয়টাৰেও এই কাৰ্যক গৰিহণা দিয়ে। আনহাতে কানাডাৰ এজন প্ৰাক্তন মন্ত্ৰীয়ে প্ৰধানমন্ত্ৰী জাষ্টিন ট্ৰুডোক ‘সামাজিক আৰু ৰাজনৈতিকভাৱে মূৰ্খ ব্যক্তি’ বুলি অভিহিত কৰে।(massive protests)