যোৰহাট ২১নৱেম্বৰ: Atul Bora। যোৰহাট জিলা ছাত্ৰ পৰিষদ আৰু গোলাঘাট জিলা ছাত্র পৰিষদৰ উদ্যোগত যোৰহাটৰ অগপ জিলা কাৰ্যালয় বাকৰিত অসম ছাত্ৰ পৰিষদৰ ষষ্ঠ বাৰ্ষিক কেন্দ্ৰীয় প্ৰতিষ্ঠা দিৱস অনুষ্ঠিত কৰা হয়।ৰাজ্য বিভিন্ন প্ৰান্তত সিচৰিত হৈ থকা সকলো ছাত্র কৰ্মীয়ে উক্ত প্ৰতিষ্ঠা দিৱসত অংশ গ্ৰহণ কৰে।উক্ত প্ৰতিষ্ঠা দিৱসত অংশগ্ৰহণ কৰি অগপৰ সভাপতি তথা কৃষি পশুপালন মন্ত্ৰী অতুল বৰাই (Atul Bora) কয় যে ….অগপৰ দল প্ৰতি এটা পুৰণি অভিযোগ আছিল নতুনক আকোঁৱালি নলয় বুলি কিন্তু সেই অভিযোগ আজি অগপত নাই ,কাৰণ অগপলৈ নতুন প্ৰজন্ম আগমণ ঘটিছে সেয়েহে নতুন প্ৰজন্ম ,যুৱ প্ৰজন্ম বাবে অগপৰ সকলো দুৱাৰ খিৰিকি খোলা আছে।লগতে তেওঁ কয় যে কম সময়ৰ ভিতৰতে অসম ছাত্র পৰিষদে নিজৰ সাংগঠনিক ভেটি সৃদঢ় কৰি তোলাৰ লগতে বিশ্ব বিদ্যালয় আৰু মহাবিদ্যালয় ছাত্ৰ একতা সভাত নিজৰ আধিপত্য বিস্তাৰ ৰাখিবলৈ সক্ষম হৈছে ।
যোৰহাটৰ অগপ জিলা কাৰ্যালয় বাকৰিত অসম ছাত্ৰ পৰিষদৰ ষষ্ঠ বাৰ্ষিক কেন্দ্ৰীয় প্ৰতিষ্ঠা দিৱস আনহাতে পঞ্চায়ত নিৰ্বাচনৰ সন্দৰ্ভত মন্ত্ৰী বৰাই কয় যে পঞ্চায়ত নিৰ্বাচনৰ বাবে অগপ ই ২০২৪ ৰ আৰম্ভণি পৰাই ৰণ কৌশল ৰচনা কৰিছিল ,সমগ্ৰ অসমত ব্যাপক সদস্য ভৰ্তি অভিযান আৰম্ভ কৰা হৈছে,ইয়াত সংখ্যাক লৈ সদস্য অভিযান হোৱা নাই কাৰণ অগপৰ শিপাডাল ৰাজ্য ইমূৰ পৰা সিমূৰলৈ সিচৰিত হৈ আছে।লগতে পঞ্চায়ত নিৰ্বাচনৰ বাবে অগপ ই বিধানসভা পৰ্যায়ত বিভিন্ন কৰ্মশালা আয়োজন কৰি ছে আৰু তৃণমূল কৰ্মীসকলক শক্তিশালী কৰা হৈছে।আনহাতে দলত অগপৰ একাংশ নেতাই বিসম্বাদত লিপ্ত হোৱা সন্দৰ্ভত মন্ত্ৰী বৰাই কয় যে দলত কোনো বিসম্বাদ নাই আৰু অগপৰ নেতা সকলে দলীয় মঞ্চত সকলো কথা কোৱা অধিকাৰ আছে ।
আনহাতে ৰাজ্য পাচটা সমষ্টিত হৈ যোৱা উপ নিৰ্বাচনৰ সন্দভত তেওঁ কয় যে অগপৰ মিত্ৰজোটে পাচটা সমষ্টিতেই জয় লাভ কৰিব ।আজি ষষ্ঠ বাৰ্ষিক অসম ছাত্ৰ পৰিষদৰ প্ৰতিষ্ঠা দিৱসত অগপৰ জেষ্ঠ নেতা ভৱেন্দ্ৰ নাথ ভৰালী, অপূৰ্ব কুমাৰ ভট্টাচাৰ্য সহিতে অগপৰ বিভিন্ন নেতা কৰ্মীয়ে অংশগ্ৰহণ কৰে।।