দৈনন্দিন বাৰ্তা ডেস্ক : খড়কপুৰ আইআইটিৰ এদল গৱেষকে সূৰ্য ৰশ্মিত শুকুৱাবলৈ ৰখা তিতা কাপোৰৰ পৰা বিদ্যুৎ উৎপাদনৰ এটা ব্যৱস্থা গঢ়ি তোলাৰ বাবে ‘গান্ধীয়ান ইয়ং টেকন’লজিকেল ইন’ভেছন এৱাৰ্ড ২০২০’ লাভ কৰিছে ৷ প্ৰতিষ্ঠানটোৰ এজন মুখপাত্ৰই এই কথা প্ৰকাশ কৰিছে ৷ পৰিধেয় আৰু নমনীয় ইলেকট্ৰনিক ডিভাইছত শক্তি সংৰক্ষণ আৰু তাপ পৰিচালনা সমস্যা সমাধানৰ বাবে শিক্ষানুষ্ঠানৰ আন এটা দলকো পৃথককৈ একেই পুৰস্কাৰ দিয়া হৈছিল ৷ খড়গপুৰ আইআইটিৰ সঞ্চালক অধ্যাপক বীৰেন্দ্ৰ তিৱাৰীয়ে শুভেচ্ছা জনায় কয়, এতিয়া আমাৰ বৰ্দ্ধিত বিদ্যুতৰ প্ৰয়োজনীয়তা আনকি ভিতৰুৱা অঞ্চলত পৰিচ্চন্ন শক্তিৰ দক্ষ পৰিচালনা প্ৰয়োজন ৷ স্বেচ্ছাসেৱী সংস্থা ছচাইটি ফৰ ৰিচাৰ্চ এণ্ড ইনিচিয়েটিভ ফৰ ছাছটেইনেবল টেকন’লজিছ এণ্ড ইনষ্টিটিউটৰ দ্বাৰা গান্ধীয়ান ইয়ং টেকন’লজিকেল ইন’ভেছন বঁটা দিয়া হয় ৷
