প্ৰকৃতিৰ নতুন পৰশেৰে কুলি-কেতেকীৰ সুমধুৰ গীতৰ ছন্দত ৰাঙলী হোৱা অসমীয়াৰ প্ৰাণৰ উংসৱ বহাগক নেৰা-নেপেৰা বৰষুণেও যেন ম্লান কৰিব পৰা নাই । চৌদিশে এতিয়া ঢোলৰ গুমগুমণী , আপোন বহাগ ক আদৰিবলৈ এতিয়া ৰাজ্যত ব্যাপক প্ৰস্তুতি।
ঢোল-পেপাঁৰ মাতত ডেকা-গাভৰুৰ দেহ- মন চঞ্চলা হৈ পৰিছে। ৰাজ্যৰ ভিন্ন প্ৰান্তত পহিলা বহাগৰ দিনটোত পৰম্পৰাগত খেল ধেমালিত ব্যস্ত ৰাইজ।
সমান্তৰাল ভাৱে বঙাইগাঁও জিলা মানিকপুৰ বহাগী বিদায় উদযাপন সমিতিয়ে পালন কৰিলে ৰঙালী বিহু। মানিকপুৰ বহাগী বিদায় উদযাপন সমিতিৰ উদ্যোগত মাণিকপুৰ ছিনিয়ৰ বেছিক খেল পথাৰত মুকলি বিহু পদৰ্শন কৰিছে। ৰাতিপুৱা পতাকা উত্তোলনৰ লগতে মানিকপুৰ মহকুমাৰ অন্তৰ্গত ৩০ জনতকৈ বয়োজেষ্ঠ ব্যক্তিক আৰ্শীবাদ সূচক সম্বৰ্ধনা আৰু মানপত্ৰ প্ৰদান কৰে।