যোগীঘোপা, ১ ডিচেম্বৰ: – ভাৰতবৰ্ষৰ গ্ৰাম্য অৰ্থনীতিত এক যোগান্তকাৰী প্ৰভাৱ পেলাবলৈ সক্ষম হোৱা ভাৰতৰ অগ্ৰণী অৰ্থনৈতিক বেংকিং প্ৰতিষ্ঠান বন্ধন বেংকে অসমৰ বিভিন্ন জিলাৰ লগতে বৃহত্তৰ যোগীঘোপা অঞ্চল বাসীলৈ সুখৱৰ কৰিয়াই আনিছে ।বঙাইগাঁও জিলাৰ চলন্তপাৰা শাখাৰ বন্ধন বেংকে লকডাউনত ক্ষতি গ্ৰস্থ হোৱা গ্ৰাহক সকলক পুনৰ ব্যৱসায় পুনৰ জীৱিত কৰিবলৈ মাহিলী হিচাপত পয়সত্তৰ হেজাৰ টকাৰ পৰা তিনি লাখ লৈকে সমৃদ্ধি নামেৰে এটি নতুন লোণৰ আচঁনি আৰম্ভ কৰিছে । এই আচঁনিৰ দ্বাৰা ৯ খন গাওঁ পঞ্চায়ত আৰু ৩৮ খন গাওঁক সামৰি লোৱা হৈছে । বন্ধন বেংকৰ পৰা লোণ লৈ কোনোৱে যদি হাহঁ-কুকুৰা ব্যৱসায় কৰিছে আকৌ আন কোনোবাই দোকান বা বেপাৰ- বাণিজ্য কৰি স্বাৱলম্বী হোৱা দেখা গৈছে । মুঠৰ ওপৰত বন্ধন বেংকে গাওঁ তথা অঞ্চল বাসীলৈ কৰ্মমুখী তথা স্বাৱলম্বী হোৱা নতুন পথ মুকলি কৰি দিছে । বৰ্তমান সময়ত প্ৰায়ভাগ শিক্ষিত নিবনুৱা চৰকাৰী চাকৰিৰ ফালে মন নেমেলি বন্ধন বেংকৰ পৰা লোণ লৈ ক্ষুদ্ৰ ক্ষুদ্ৰ ব্যৱসায় কৰি উপাৰ্জনৰ পথ নিজে বাছি লোৱা দেখিবলৈ পোৱা গৈছে । লগতে আন দহজন মানুহক কৰ্ম সংস্থাপন দিবলৈ সক্ষম হৈছে । চলন্তপাৰা বন্ধন বেংকে সমদ্ধি আচঁনিৰ ওপৰিও সৃষ্টি লোণেৰে সাপ্তাহিক লোণ পূৰ্ৱৰ নিয়ম বাহাল ৰখা পৰিলক্ষিত হৈছে। এক কথাত ক’ব পাৰি যে চলন্তপাৰা বন্ধন বেংকে যোগীঘোপা অঞ্চল বাসীলৈ নিতৌ ন ন আচঁনিৰ দ্বাৰা ৰাইজৰ সমস্যাবোৰ কিছু পৰিমাণে লাঘৱ কৰিবলৈ চেষ্টা অব্যাহত ৰাখিছে।
