ডিজিটেল ডেস্কঃ আই পি এল’ত আজি ৰয়েল চেলেঞ্জৰ বেঙ্গালুৰ (Royal Challengers Bangalore) মুখামুখি হ’ব কিংছ এলেভেন পঞ্জাৱ (Kings XI Punjab) ৷ চলিত বৰ্ষত বেঙ্গালুৰে ৭ খন খেলৰ ৫ খনত জয়ী হৈ পইন্ট তালিকাত ৩ নম্বৰত থকাৰ বিপৰীতে পঞ্জাৱে ৭ খন খেলৰ মাত্ৰ ১ খনত জয়ী হৈ একেবাৰে শেষত অৱস্থান কৰিছে ৷ আজি খেলত জয়ী হ’লে ৰয়েল চেলেঞ্জৰ বেঙ্গালুৰে শীৰ্ষ দ্বিতীয় স্থান দখল কৰিব ৷ আনহাতে কিংছ এলেভেন পঞ্জাৱ জয়ী হ’লে পইন্ট তালিকাত আগুৱাবলৈ সক্ষম নহয় যদিও শৃংখলাত অৰ্ন্তভূক্ত হৈ থাকিবৰ বাবে পঞ্জাৱে জয়ী হবই লাগিব বুলি ক্ৰীয়া সমালোচক সকলৰ পৰা জানিব পৰা গৈছে ৷ আজিৰ খেল শাহজাহৰ খেলপথাৰত সন্ধিয়া ৭.৩০ বজাৰ পৰা আৰম্ভ হ’ব ৷ আনহাতে কালিৰ দিল্লী কেপিটেলছে বনাম ৰাজস্থান ৰ’য়েলছৰ খেলত দিল্লীয়ে ১৩ ৰানেৰে জয় লাভ কৰি পইন্ট তালিকাত শীৰ্ষ স্থান দখল কৰে ৷
