মূলা এবিধ সুস্বাদু আৰু পুষ্টিকৰ শাক। মূলাত ভিটামিন চি, ভিটামিন কে, আঁহ আৰু পটাছিয়াম আদি পুষ্টিকৰ উপাদান পোৱা যায়। মূলা খালে হজম শক্তি উন্নত হয়, কোষ্ঠকাঠিন্য দূৰ হয়, ওজন হ্ৰাস কৰা আৰু ৰোগ প্ৰতিৰোধ ক্ষমতা বৃদ্ধি হয়। কিন্তু মূলা খোৱাৰ আগতে কিছুমান কথা মনত ৰাখিব লাগে। মূলা কিছুমান মানুহৰ বাবেও ক্ষতিকাৰক হ’ব পাৰে। আহক জানো কোন কোন লোকে মূলা খাব নালাগে-
![](https://www.dainandinbartagroup.in/wp-content/uploads/2023/11/radish-during-pregnancy-1-1024x683.jpg)
নিম্ন ৰক্তচাপৰ সমস্যা থকা লোকে মূলা খাব নালাগে। মূলাত প্ৰস্ৰাৱকাৰী গুণ আছে, যাৰ ফলত শৰীৰৰ পৰা পানী আঁতৰাই পেলায়। ইয়াৰ ফলত নিম্ন ৰক্তচাপৰ সমস্যা আৰু অধিক বৃদ্ধি পাব পাৰে।
যিসকল লোকৰ হাইপ’গ্লাইচেমিয়া (কম তেজৰ চেনি) সমস্যা আছে তেওঁলোকে সীমিত পৰিমাণে মূলা খাব লাগে। মূলাত ইনচুলিন বৃদ্ধি কৰা গুণ আছে, যাৰ ফলত তেজত শৰ্কৰাৰ মাত্ৰা হ্ৰাস পাব পাৰে।
পিত্তপাথৰৰ সমস্যা থকা লোকে মূলা খাব নালাগে। মূলাৰ এনে গুণ আছে যিয়ে পিত্তৰ উৎপাদন বৃদ্ধি কৰে, যাৰ ফলত পিত্তৰ পাথৰৰ সমস্যা বৃদ্ধি পাব পাৰে।
গৰ্ভৱতী মহিলাই মূলা খাব নালাগে। মূলাৰ কিছুমান গুণ আছে যাৰ ফলত গৰ্ভপাত হ’ব পাৰে।
স্তন্যপায়ী মহিলাসকলে সীমিত পৰিমাণত মূলা খাব লাগে। মূলাৰ কিছুমান গুণ আছে যিবোৰ মাতৃদুগ্ধলৈ গৈ শিশুৰ ক্ষতি কৰিব পাৰে।