গুৱাহাটী, ৫ অক্টোবৰঃ নগাঁও জিলাৰ কামপুৰৰ এজন সংস্কৃতিকৱান যুৱক তথা সাংবাদিক সমৰেন্দ্ৰ নাৰায়ণ বৰা। তেওঁ সুদীৰ্ঘ দিন নীৰৱে চলাই গৈছে এক নিৰলস প্ৰচেষ্টা।
সাংবাদিক বৰাই একক প্ৰচেষ্টাৰে ভাৰত ৰত্ন, হিয়াৰ আমঠ সুধাকণ্ঠ ভূপেন হাজৰিকাৰ(Bharat Ratna Bhupen Hazarika) কালজয়ী গীতসমূহ মাইক যোগে ৰাইজক শুনাই আহিছে শিল্পী গৰাকীৰ মহাপ্ৰয়াণৰ দিনৰে পৰা। এমাহ নহয় এবছৰ নহয় নিৰবছিন্নভাবে চৈধ্যটা বছৰ আজি সম্পূৰ্ণ কৰিলে সুধাকন্ঠ গীতৰ কোলাত(Architecture)।
মন কৰিব লগা যে বিগত ২০১১ চনৰ ৫ নৱেম্বৰত ভূপেন হাজৰিকাৰ(Gramophone Player) মহাপ্ৰয়াণৰ দিনৰ পৰাই প্ৰতিদিনে কামপুৰ নগৰৰ বজাৰত গীতসমূহ মাইকৰ যোগেদি প্ৰচাৰ কৰি আহিছে।
সুধাকণ্ঠ(Sudhakontho) ভূপেন হাজৰিকাৰ মহাপ্ৰয়াণৰ সময় বিয়লি ৪.৩৭ বজাৰ পৰা ৫.৩৭ বজালৈ মুঠ এঘন্টা সময়ৰ বাবে তেওঁ বাণীবদ্ধ অমৰ গীতসমূহ মাইকৰ যোগেদি কামপুৰ নগৰবাসীক শুনাই এক নজিৰ বহন কৰিছে সাংবাদিকগৰাকীয়ে।
জানিব পৰা মতে, ভূপেন হাজৰিকা(Nectar Throated) আজন্ম প্ৰেমিক এই সাংবাদিকগৰাকী। যিমানেই বতাহ, বৰষুণ বা প্ৰতিকূল পৰিস্থিতি নহওক সেই সময়ত ব্যক্তিগত সকলো কৰ্মক একাষৰিয়া কৰি এনেদৰে এক দায়িত্ব আৰু কৰ্তব্য হিচাপে পালন কৰি আহিছে। ফলত এঘন্টাৰ বাবে কামপুৰৰ বজাৰ জীপাল হৈ পৰে সুধাকণ্ঠৰ সুমধুৰ গীতৰে।
তদুপৰি একাংশ লোকৰ ভাষা মতে প্ৰতিজন কামপুৰীয়া ৰাইজ আবেলিৰ উক্ত সময়খিনিৰ বাবে অপেক্ষা কৰি থাকে আৰু বহুতৰ বাবে এই সময়খিনি হৈ পৰে অতি সুমধুৰ।
উল্লেখ্য যে সমগ্ৰ দেশত লকডাউন হৈ থকা সময়ত প্ৰায় সকলো লোক মানসিকভাৱে দুৰ্বল হৈ পৰা সময়তো সাংবাদিক সমৰেন্দ্ৰ নাৰায়ণ বৰাই চৰকাৰী নীতি-নিয়মৰ মাজেদি শিল্পীগৰাকীৰ গীত শুনাই বহু লোকৰ মানসিক অৱসাদ দূৰ কৰিছিল।
আনহাতে ভূপেন হাজৰিকাৰ অমৰ গীতসমূহ শুনাবৰ বাবে কামপুৰ নগৰৰ ভিন্ন স্থানত খুঁটা স্থাপন কৰি মাইকৰ দ্বাৰা পৰিৱেশন কৰা কাৰ্যক সকলোৱে প্ৰশংসা কৰিছে সাংবাদিক গৰাকীক।
এইক্ষেত্ৰত কামপুৰৰ বিভিন্ন অনুষ্ঠান প্ৰতিষ্ঠানৰ সৈতে জড়িত লোকে কয় যে সামাজিক -সাংস্কৃতিক অনুষ্ঠানবোৰত ওতঃপ্ৰোতভাৱে জড়িত সাংবাদিক সমৰেন্দ্ৰ নাৰায়ণ বৰাই ভূপেন হাজৰিকা মৃত্যুৰ দিনাৰ পৰাই এনেদৰে মাইকৰ দ্বাৰা অমৰ গীতসমূহ পৰিবেশন কৰি এক সুকীয়া পৰিৱেশ সৃষ্টি কৰিছে।
তদুপৰি বৰ্তমান আধুনিকতাৰ ধামমুখীয়াত অসমীয়া নবপ্ৰজন্ম বাবে ই এক অতি গুৰুত্বপূৰ্ণ বাৰ্তা প্ৰেৰণ কৰিছে বুলি অনুভৱ ব্যক্ত কৰা লগতে সাংবাদিকগৰাকীক শলাগ লয়।
ইফালে, অসম চৰকাৰৰ সাংস্কৃতিক বিভাগে এই মহান কৰ্মৰ বাবে সহায়-সহযোগিতা কৰিবৰ বাবে সুধাকণ্ঠ প্ৰেমীয়ে অনুৰোধ জনায়।
২০১১ চনৰ পৰা ধাৰাবাহিকতা ৰক্ষা কৰি সাংবাদিকগৰাকীয়ে এক পৰিৱেশ সৃষ্টি কৰাৰ বাবে কামপুৰীয়া ৰাইজে সাংবাদিক বৰাক ধন্যবাদ জ্ঞাপন কৰিছে।
‘দৈনন্দিন বাৰ্তা’ৰ বঢ়মপুৰৰ প্ৰতিবেদক জয়ন্ত বৰাৰ প্ৰতিবেদন